Në Biel/Bienne festohet Dita e Flamurit Kombëtar

Të shtunën, më 27 nëntor 2010, duke filluar nga ora 18h, shoqata të shumta kulturore dhe subjekte politike që veprojnë në Biel/Bienne dhe rrethinë organizojnë një manifestim të përbashkët kushtuar 28 Nëntorit-Ditës së flamurit Shqiptar Kombëtar dhe shpalljes së shtetit shqiptar.

Me këtë rast, janë ftuar përfaqësues të subjekteve politike nga Kosova dhe Zvicra, në mesin e të cilëve Dr.Ferid Agani, përfaqësuesit e Ambasadës së Republikës së Shqipërisë, të Kosovës, dhe të Maqedonisë etj.　

Njëherësh do të shfaqet edhe një program i pasur me këngë e valle shqiptare nga Shoqata Kulturore Artistike “Besa” nga Biel/Bienne. Po ashtu të pranishmit do ti argëtoj këngëtari Ekrem Rama dhe grupi i tij, si dhe aktori Adem Kica. Manifestimi do të pasurohet edhe me recitimet e nxënësve të shkollave shqipe. Do të shtrohet edhe një tavolinë me specialitete ushqimore nga kuzhina shqiptare.

Manifestimi mbahet në HIRSCHENSALL, Bözingenstrasse 161, 2502 Biel/Bienne.

Info: Skender Thaqi , në tel. 079 703 04 34.