Kuriozitete

Shtetet, në të cilat lexohet më së shumti në botë

Shteti në të cilin lexohet më së shumti është India. Atje, çdo qytetar lexon mbi dhjetë orë në javë.

 

Në listën e 10 vendeve të para në botë ku lexohen më shumë libra ndodhen gjashtë vende aziatike dhe katër vende evropiane, përcjell albinfo.ch

– Vendet ku lexohet më së shumti libri:

Indeksi i Rezultateve të Kulturës Botërore me qendër në Britani të Madh ka dalë në përfundim se vendi i parë ku lexohet më shumë libri është India, e cila ndiqet nga Tajlanda dhe Kina.

Indeksi merr për bazë kohën mesatare në javë që qytetarët shpenzojnë për të lexuar. Përveç librave të shtypur, të gjitha llojet e materialeve të lexueshme, si gazetat, revistat dhe përmbajtje me shkrim në internet janë të përfshirë në vlerësim.

Në vendin e dytë është radhitur Tajlanda, ku çdo qytetar lexon libër rreth 9 orë e 24 minuta dhe në vendin e tretë Kina, ku çdo qytetar kalon tetë orë në javë duke lexuar libër.

Ndërkohë këto vende ndiqen nga Filipinet me (7 orë e 36 minuta), Egjipti me (7 orë e 30 minuta), Republika Çeke me (7 orë e 24 minuta), Suedia me (7 orë e 6 minuta), Franca me (6 orë e 54 minuta), Hungaria me (6 orë e 48 minuta) dhe Arabia Saudite me (6 orë e 48 minuta).

Po ashtu Turqia është radhitur në vendin e 18-të me kohën e leximit 5 orë e 54 minuta në javë.

– Kur’ani, libri që lexohet më shumë në botë

Kur’ani është libri që lexohet më shumë në botë, i cili ndiqet nga Ungjilli.

Ndërsa i treti në listën e librave më popullor është libri “Fjalë të zgjedhura nga kryetari Mao”, i përgatitur nga deklaratat e Mao Ce Dunit (Mao Zedong), themeluesi dhe udhëheqësi i Republikës Popullore të Kinës.