Në Kosovë janë 182,849 banesa të zbrazëta

Të enjten, Agjencia e Statistikave të Kosovës ka publikuar të dhënat për numrin e përgjithshëm të banorëve rezidentë në Kosovë që rezulton të jetë 1,602,515.

Sipas këtyre të dhënave, në Kosovë janë 182,849 banesa të zbrazëta, nga 99,808 sa ishin në vitin 2011.

414,273 janë ndërtesa banimi me mesatare prej 1.41 banesa për ndërtesë, që e bën kështu numrin e përgjithshëm të banesave 583,560, prej të cilave 356,959 janë të shfrytëzuara nga një apo më shumë banorë, 590 shfrytëzohen nga banorë që nuk përfshihen në regjistrim e që janë kryesisht personel diplomatik, 16,381 janë banesa të rezervuara për qëndrim sezonal/shfrytëzim të rastit (pushime, punë sezonale), ndërkohë 26,781 janë njësi të tjera të banimit.

Numri mesatar i banorëve për banesë është 2.85.