Në Londër, protestë kundër masave të izolimit

Masat e izolimit të ndërrmarra nga Qeveria britanike si pasojë e përhapjes së koronavirusit, kanë bërë që një grup i vogël qytetarësh nga Londra të mblidhen për të protestuar kundër izolimit.

Rreth 20 persona, disa duke mbajtur mbishkrime “Trupi ime, zgjedhja ime”, janë përfshirë në një protestë para selisë së Policisë së Londrës të shtunën pasdite.

Nga fundi i muajit mars, britanikëve u është thënë që të mos mblidhen jashtë shtëpive të tyre, me qëllim të luftimit të koronavirusit.

Jeta në Mbetërinë e Bashkuar ka ndryshuar nga ajo kohë, ndonëse ka shenja për lehtësim të masave të izolimit.
Të dhënat e fundit tregojnë se deri më tani autoritetet britanike kanë regjistruar 182,260 persona të prekur dhe 28,131 të vdekur si pasojë e sëmundjes Covid-19, që shkakton koronavirusi.

Duhet theksuar që masat e vetme të parandalimit të koronavirusit janë pikërisht masat e rrepta të lëvizjes dhe izolimit të plotë, deri në zbulimin e një vaksine adekuate, e cila do ta zhdukte përfundimisht koronavirusin, përcjell Albinfo.ch.