Lajme

Aeroplani zviceran bën ulje emergjente në Britaninë e Madhe

Shkaku i uljes emergjente ishte një aromë e pazakontë në bord, kanë deklaruar përgjegjësit e kompanisë

Monday, 8 November 2021 - 20:45 albinfo.ch

Aeroporti i Londrës

Një aeroplan zviceran i kompanisë Swiss u detyrua të kthehej mbrapsht gjatë fluturimit nga aeroporti Heathrow i Londrës drejt Cyrihut. Avioni me 101 pasagjerë në bord ia doli të aterronte i sigurt përsëri në Londër, transmeton albinfo.ch.

Shkaku i uljes emergjente ishte një aromë e pazakontë në bord, kanë deklaruar përgjegjësit e kompanisë, të dielën në mbrëmje, shkruan srf.ch.

Aterrimi ka rrjedhur pa probleme. Siç është zakon në raste të tilla, zjarrfikësit e aeroportit janë thirrur si një masë thjesht parandaluese.

Pasagjerët e prekur u bartën në aeroplanë tjerë ose u akomoduan në hotele. Aerolani i prekur është i tipit A220-100 me numër fluturimi LX339. Aktualisht ngjarja po hetohet.