Në Zvicër deri tani janë vaksinuar 197.368 persona

Gjithsej Zvicrës i janë dorëzuar 535,115 doza të dy prodhuesve Pfizer / Biontech dhe Moderna

Keystone

Në Zvicër, deri të dielën që shkoi, janë injektuar 197,368 doza vaksinash kundër koronavirusit. Kjo korrespondon me 2.29 doza për 100 banorë.

Gjithsej Zvicrës i janë dorëzuar 535,115 doza të dy prodhuesve Pfizer / Biontech dhe Moderna, shkruan Zyra Federale e Shëndetit Publik (BAG), raporton srf.ch.

Por, siç mund të shihet nga shifrat e BAG, situata në kantone është e ndryshme. Deri më tani, kantoni Nidwalden ka vaksinuar më së shumti ose 7.47 doza për 100 banorë, transmeton albimnfo.ch. Kantoni Appenzell-Innerrhoden, me 5.69 për qind të popullatës të vaksinuar, është në vendin e dytë.

Kantoni i Bernës është në pjesën e poshtme të listës, megjithëse e ka filluar vonë vaksinimin, më 11 janar. Deri më tani ka pasur 1.38 vaksina për 100 banorë. Thurgau renditet i dyti nga fundi me 1.46 për qind të popullsisë të vaksinuar.

LAJME INTERESANTE NGA INTERNETI