Nedim Bajrami lë Zvicrën: Zemra i rrah për kuqezinjtë

Lajmin e ka konfirmuar edhe përzgjedhësi i Zvicrës U21, Mauro Lustrinelli

Mediat zvicerane raportojnë se mesfushori Nedim Bajrami ka vendosur ta përfaqësojë Shqipërinë në të ardhmen.

Futbollisti shqiptar 22-vjeçar i skuadrës italiane, Empoli, së fundi ishte pjesë e U-21 të Zvicrës, përcjell albinfo.ch.

Përzgjedhësi i Shpresave të Zvicrës, Mauro Lustrinelli ka thënë se, Bajrami ka qenë i vendosur ta përfaqësojë Shqipërinë.

“Ne u përpoqëm shumë ta bindnim Nedimin të vazhdonte të luante për Zvicrën. Por, ai më pas na tregoi se zemra e tij rreh më shumë për Shqipërinë. Për ne, identifikimi është një nga vlerat themelore për një lojtar të Zvicrës. Kështu që nuk kishim zgjidhje tjetër përveçse ta linim të shkonte”, është shprehur Lustrinelli.

Në 12 ndeshje për U-21 e Zvicrës, Bajrami ka shënuar një gol, ndërsa në 25 paraqitje me fanellën e Empolit në të gjitha garat ka shënuar tre gola.

Zvicra U-21 është kualifikuar në Evropianin që nis këtë muaj dhe përfundon në qershor të këtij viti, ndërsa Bajrami ka qenë ndër lojtarët kryesorë në kualifikime.

Nationenwechsel von Bajrami:

Nedim Bajrami hat sich kurz vor Beginn der U-21-EM für einen Nationenwechsel entschieden. Der offensive Mittelfeldspieler von Empoli F.C. will künftig nicht mehr für die Auswahlen des Schweizerischen Fussballverbands, sondern für Albanien spielen.

— 🇨🇭 Nati (@nati_sfv_asf) March 9, 2021

Mauro Lustrinelli:
“Wir haben uns intensiv bemüht, Nedim Bajrami zu überzeugen, weiterhin für die Schweiz zu spielen. Er hat uns dann aber mitgeteilt, dass sein Herz stärker für Albanien schlägt.

— 🇨🇭 Nati (@nati_sfv_asf) March 9, 2021

---