Lajme
Nga 6 qershori, floktoret në Zvicër do të punojnë me kapacitet të plotë
Nga 27 prilli, kur është bërë zbutja e parë e masave, floktoret kanë punuar me kapacitet të zvogëluar
Nga 6 qershori, lokalet e parukerisë në Zvicër mund të përdorin përsëri kapacitetin e tyre të plotë. Sigurisht, edhe pas kësaj do të duhet të merren masat mbrojtëse të BAG për të siguruar mbrojtjen e punonjësve dhe klientëve. Kjo u bë e njohur nga Coiffure Suisse të Mërkurën në mbrëmje, shkruan 20minuten.
Nga 27 prilli, kur është bërë zbutja e parë e masave, floktoret kanë punuar me kapacitet të zvogëluar, gjegjësisht, në çdo 3 karrige për klientët, njëra duhej lënë e zbrazët.
Coiffure Suisse është e bindur se sallonet tani duhet të përdoren plotësisht, për të shmangur kështu pushimin e punonjësve nga puna dhe falimentimet e mundshme, transmeton albinfo.ch. Pas konsultimeve me partnerët socialë, koncepti i mbrojtjes është përshtatur në këtë drejtim, thuhet në një komunikatë të përbashkët e Coiffure Suisse me sindikatat Syna dhe Unia.
Koiffure Suisse konfirmon me këtë rast se do të vazhdojë zbatimin e të gjitha masave shëndetësore, duke filluar me mbajtjen e distancës sociale prej dy metrash. Nëse kjo nuk është e mundur, atëherë duhet të merret në konsideratë ndarja hapësinore e vendeve të punës.
Përveç kësaj, maska mbetet e detyrueshme si për floktarët ashtu edhe për klientët, përcjell albinfo.ch. Masat higjenike siç janë larja e duarve dhe dezinfektimi i mjeteve dhe zonës së punës para secilit klient, etj. janë gjithashtu të detyrueshme.
Për të lehtësuar punonjësit që duhet të mbajnë maska gjatë gjithë ditës, punëdhënësit inkurajohen të sigurojnë pushime të rregullta në ajër të pastër për punonjësit e tyre.
Të ngjashme
Të tjera nga Lajme
E-Diaspora
-
Mërgimtari humb jetën në vendin e punës, në Maltë Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Zvicër
-
Së shpejti do të mund të merrni 2 litra lëngje me vete në bagazhin e dorës në aeroportin e Cyrihut Falë skanerëve të rinj CT, gjithnjë e më shumë aeroporte në Evropë po heqin rregullore të...
-
Mbi 60 trena shtesë drejt Ticinos gjatë fundjavave në maj
-
Pagat zvicerane rriten, por “u zbehën” nga inflacioni
-
Zvicra do të forcojë sigurinë në qendrat e azilit
-
Sa aktivë janë spiunët kinezë në Zvicër?