Lajme
Nga e premtja, 1 prill, Zvicra heq detyrimin e maskës
"Falë nivelit të lartë të imunizimit në popullatë” nuk ka pasur rritje të ndjeshme të numrit të pacientëve me Covid 19 në repartet e kujdesit intensiv
Detyrimi për maskë në transportin publik dhe në objektet shëndetësore nuk do të zbatohet më, duke filluar nga e premtja. Përveç kësaj, njerëzit e infektuar nuk duhet të shkojnë më në izolim, shkruan albinfo.ch. Situata është kthyer në normalitet dhe përgjegjësia kryesore për masat për mbrojtjen e popullatës tani u takon kantoneve.
Kështu tha pak minuta më parë ministri i shëndetësisë, Alain Berset, duke ju drejtuar mediave, në konferencën që po vazhdon, në Bernë.
Me këtë, ai ka kumtuar vendimin që ka marrë sot Qeveria Federale, mbështetur në qëndrimin e publluar më 16 shkurt, për heqjen e të gjitha masave të mbrojtjes dhe kthimin në normalitet.
Berset: “Kthimi në modalitetin normal pas dy vjetësh në gjendje krize”
Ministri i Shëndetësisë Alain Berset duke hapur konferencën për media, ka thënë: “Pas dy vitesh në gjendje krize, tani është me të vërtetë koha për të bërë ndryshimin. Ne bëmë gjithçka që ishte e nevojshme për të hequr masat e fundit të koronës dhe për t’u kthyer në gjendjen normale”.
Imunizim i lartë i popullatës
Këshilli Federal e justifikon heqjen e pritshme të masave me faktin se “falë nivelit të lartë të imunizimit në popullatë” nuk ka pasur rritje të ndjeshme të numrit të pacientëve me Covid 19 në repartet e kujdesit intensiv në javët e fundit, shkruan albinfo.ch. “Një kërcënim për shëndetin publik nuk ka gjasa të ndodhë në muajt e ardhshëm”, thuhet në komunikatë.
.
E-Diaspora
-
BQK: Dërgesat e mërgatës deri në fund të muajit shkurt 2024 arritën në mbi 174 milionë euro Bëhet e ditur se rreth 88 milionë euro është vlera preliminare e dërgesave të mërgatës që...
-
52-vjeçari nga Kosova gjen vdekjen në vendin e tij në punës në Itali
-
Shkolla shqipe në SHBA, me qindra nxënës shqiptarë
-
Mbahet takimi i Kolegjit të kirurgëve të Kësovës me kirurgët nga mërgata
-
Irlandë: Ekspozitë nga artisti shqiptar, Azem Koleci
Jeta në Zvicër
-
Qytetarët e Lihtenshtajnit dhe Zvicrës kanë pagën më të lartë Një studim i GfK-së tregon se qytetarët e Lihtenshtajnit kanë pagën më të lartë në Evropë....
-
Ja si duken fanellat e reja të Zvicrës në Kampionatin Evropian
-
Ndërprerje e transportit publik në Gjenevë
-
Numër rekord i turistëve amerikanë në pistat zvicerane të skive
-
Simpoziumi i mantelbardhëve shqiptarë në Zvicër emocionon profesorët nga Kosova e Shqipëria