Maqedonia
Nis verifikimi i ‘gylenistëve’ që Turqia i kërkon Shkupit
Shërbimet e sigurisë në bashkëpunim me Prokurorinë Publike janë duke lokalizuar shtetasit turk të cilët po i kërkon Turqia mbi bazën e akuzave për terrorizëm dhe puç shtetëror.
Organi akuzën bën të ditur se hetimet po vazhdojnë, duke mos ndarë detaje më tepër me arsyetimin për ndjeshmërinë e procedurës. Nga ana tjetër, policia për arsye besueshmërie nuk tregon nëse njëri nga 15 shtetasit turk të kërkuar nga autoritetet në Turqi është siguruar.
Alsat mëson se në Maqedoninë e Veriut dyshohet të fshihet edhe njëri nga lobuesit relevant të organizatës, angazhimi i të cilit ka qenë sigurimi i fondeve nga burime të ndryshme. Madje dosja të cilën e kemi siguruar flet për angazhimin e tij si klerik, me qëllim thithjen e fondeve dhe transferimin e parave në llogari të organizatës së ashtuquajtur “FETO”. Të dhënat nuk japin elemente konkrete për rolin e tij në puçin e 15 korrikut të vitit 2016, përcjell Albinfo.ch.
“I akuzuari ka marrë pjesë ne formimin e organizatës terroriste “FETO” në Bursa. Angazhimi i tij ka qenë si “imam i madh” ndërsa më pas “imam i madh i autorizuar” ku edhe ka marrë pjesë në “Bordin e të besueshmëve”. Nga anëtarët e bordit ka mbledhur para, bursa, zekat dhe donacione për kurbane. Të gjitha paratë i ka transferuar në xhirollogari të organizatës terroriste “FETO”.- thuhet në detajet nga dosja “FETO”
Qeveria dhe Ministria e Drejtësisë tashmë disa herë kanë njoftuar se për ekstradimin e 15 shtetasve turk do të respektohen Konventat ndërkombëtare për ekstradim dhe legjislatura vendore. Ndërkohë mediat turke në vazhdimësi raportojnë për një zinxhirë biznesesh dhe institucionesh arsimore dhe kulturore në Maqedoni të Veriut, që sipas tyre janë drejtpërdrejtë të lidhura me strukturat e të ashtuquajturës organizatë “FETO”.
Në mesin e tyre janë Asociacioni i biznesit dhe industrisë në Maqedoni me 73 kompani anëtare, kolegji “Yahya Kemal”, fondacionet “Safak”, “Toleranca” dhe “Horizontet”, ndërsa në mesin e tyre ka edhe agjenci turistike si “Rainbou” dhe “Bashak”. Çështja e Gylenistëve në Maqedoninë e Veriut u aktualizua pas vizitës së ministrit turk të Mbrojtjes, Hulusi Akar i cili nga autoritetet vendase kërkoi ekstradimin e 15 të dyshuarve për lidhje me organizatën e ashtuquajtur “FETO”.
E-Diaspora
-
Washington Post shkruan për zërin e sopranos shqiptare Ana Naqe Sopranoja shqiptare, Ana Naqe, jeton prej 20 vjetësh në Evropë. Ajo jeton dhe ushtron aktivitetin e...
-
8 filma nga Kosova dhe Shqipëria do të prezantohen në Festivalin e Filmit “goEast” 2024
-
Partneritet mes studentëve të Universitetit të Lucernit dhe atyre nga Maqedonia
-
Bashkëpunim mes Kosovës dhe Suedisë në fushën e teknologjisë
-
Gjykimi i shqiptarit për vrasjen e dyfishtë në Bazel, nën masa të forta sigurie
Jeta në Zvicër
-
Lojë shpërblyese: Fitoni bileta për të shikuar njërin nga 27 filmat në Kino Kosova Platforma mediale albinfo.ch është partner medial i edicionit të katërt të Kino Kosova...
-
Shkurtimet për financimin e arsimit dhe kërkimit në Zvicër ngjallin shqetësime
-
Mjekët milionerë në Zvicër
-
I dënuari për vrasjen e dyfishtë në Bazel: Nuk e dija se armët ishin të vërteta!
-
Miliarderi zviceran jep 243 milionë dollarë për demokratët amerikanë, “çmenden” republikanët