Nisma për të parandaluar vaksinimin e detyrueshëm në Zvicër

Keystone (EPA/MICHAEL REYNOLDS)

Qeveria e Zvicrës ka thënë vazhdimisht se vaksinimi kundër virusit SARS-CoV-2 nuk do të jetë i detyrueshëm. Megjithatë, një grup i quajtur Lëvizja për Lirinë Zvicerane (MLS) filloi mbledhjen e nënshkrimeve këtë javë për një referendum mbi këtë temë, sipas RTS.

Organizatorët e iniciativës duan që të gjithë të jenë në gjendje të vendosin nëse duan apo jo të vaksinohen, pa pësuar ndonjë disavantazh social ose professional, përcjell albinfo.ch.

Nëse është i suksesshëm, votimi do të ndryshojë Kushtetutën e Zvicrës, duke shtuar një kërkesë për miratim për çdo shkelje të integritetit fizik ose mendor të një individi. Për më tepër, çdo individ që refuzon vaksinimin do të mbrohet nga çdo ndëshkim ose paragjykim shoqëror ose profesional.

Organizatorët kanë kohë deri më 1 qershor 2022 për të mbledhur 100,000 nënshkrimet e kërkuara për propozimin që do t’u vihet votuesve zviceranë.

Nisma nuk është për t’u habitur. Në Zvicër është folur shumë rreth idesë për ta bërë të detyrueshëm vaksinimin SARS-CoV-2, pavarësisht deklaratave të përsëritura nga autoritetet zvicerane se një program vaksinimi nuk do të jetë i detyrueshëm.

MLS, organizata që qëndron pas iniciativës numëron midis anëtarëve të saj një parlamentar federal që i përket Partisë Popullore Zvicerane (UDC / SVP).