Një 51-vjeçar dhe një 71-vjeçare gjenden pa shenja jete në Prishtinë

Sipas Policisë së Kosovës, bëhet fjalë për viktimën mashkull E.L , 51 vjeçar

Një person është gjetur pa shenja jete sot në Prishtinë. Zëdhënësja e Policisë për Rajonin e Prishtinës, Flora Ahmeti ka bërë të ditur për lajmi.net se rasti ka ndodhur në orën 09:30 në rrugën “Bill Clinton”. Sipas Policisë së Kosovës, bëhet fjalë për viktimën mashkull E.L , 51 vjeçar, përcjell albinfo.ch.

“Bëhet fjalë për viktimën mashkull, E.L, 51 vjeç. Aktualisht hetuesit policor janë duke ndërmarrë veprimet e nevojshme për të zbardhur të gjitha rrethanat që lidhen me këtë rast”, ka thënë tutje ajo. Nuk dihen detaje tjera rreth rastit.

Ndërkohë, Një grua e moshës 71 vjeçare është gjetur pa shenja jete në mesnatën e së enjtes në Prishtinë.

Rastin e ka konfirmuar edhe zëdhënësja e Policisë për rajonin e Prishtinës, Flora Ahmeti, ndërsa tha se bëhet fjalë për të moshuarën me inicialet S.B e cila është gjetur e shtrirë në rrugën “Ndue Perleshi”, njofton Klan Kosova.

“Menjëherë në vendin e ngjarjes kanë dalë njësitet e nevojshme policore si dhe ekipi mjekësor që ka konstatuar vdekjen e viktimës. Bëhet fjalë për një femër S.B 71 vjeç”.

---