Lajme
Një i dyshuar për vrasjen e turistëve çek
Sipas burimeve shqiptare, Policia e Shtetit tashmë ka një të dyshuar si autor të krimit, ose bashkëpjesëmarrës në krimin makabër të së premtes, ku u vranë dy turistë çek
Policia e Shqipërisë po gjurmon çdo gurë për të ndriçuar krimin që i qiti hije të zezë vendit, vrasjen e dy turistëve çek në Malësinë e Madhe të Mbishkodrës. Sipas burimeve shqiptare, Policia tashmë ka një të dyshuar si autor të krimit, ose bashkëpjesëmarrës në krimin makabër të së premtes.
Burime konfidenciale pohuan për TCH, se kanë dyshime të forta se personi në fjalë është autor ose ka lidhje të forta me ngjarjen. Ai është rreth 25 vjeç dhe banues nga zona ku ka ndodhur vrasja e Michal Svato dhe Anna Kosinova, turistë çekë që po vizitonin Shqipërinë e veriut.
Gjithashtu, dyshimet janë se personi mund të ketë qenë dhe pjesë e grupit të zjarrit që qëlluan helikopterin e policisë një vit më parë në Pult të Dukagjinit, gjatë operacionit antikanabis. Madje, ka dyshime se autorët ose autori është pjesë e personave që ruajnë parcela kanabisi në zonat e thella të Dukagjinit.
Nga hetimet e policisë, mendohet se i dyshuari për krimin është marrë si pasagjer në automjet nga turistët çekë, ndërsa ai ka pasur me vete dhe një çantë, ku brenda saj kishte fshehur armën e krimit. I riu duket se kishte ngritur kurth ndaj turistëve çek, me qëllimin që t’i grabiste.
Ndryshe, rrreth 40 persona janë shoqëruar nga Policia Speciale për në qytetin e Shkodrës, për t’u intervistuar lidhur me rastin. Prokurorët thanë se gjurmët e gjetura në makinë, do të krahasohen me persona të dyshuar derisa të gjendet autori i krimit.
Nga kqyrja e vendit të ngjarjes, është ka konstatuar se brenda në makinë kishte prani të gëzhojave, ku edhe është gjetur arma e krimit dhe një çantë e zezë, që i përkiste autorit të vrasjes. Prania e gëzhojave është konstatuar dhe jashtë makinës në rrugë, ku dyshohet se një person i dytë ka qëlluar nga jashtë me armë zjarri në drejtim të automjet ku ndodheshin dy turistët çekë.
Kjo vrasje i ka qitur një ije të zezë Shqipërisë, vendit ku cilësohej si oazë për turistët evropianë. Madje, jo vetëm mediet prestigjioze evropiane, por edhe ato të Amerikës, e kanë cilësuar Shqipërinë, si njërin nga vendet që duhet të vizitohet gjatë vitit 2015. Mirëpo kjo vrasje duket se e ka humbur këtë kuptim.
Të tjera nga Lajme
E-Diaspora
-
Detaje nga rasti kur një shtetas nga Kosova vrau pronarin e biznesit në Dyseldorf Një vrasje me armë zjarri është regjistruar dje në qytetin e Dyseldorfit në Gjermani. Mësohet se...
-
Arnold “The Cobra” Gjergjaj triumfon në luftën e fundit
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
Jeta në Zvicër
-
Deputetët e Gjenevës shprehen kundër dhënies së të drejtave të plota politike për të huajt Banorët e vjetër të qytetit dhe kantonit më ndërkombëtar të Zvicrës tashmë kanë të drejtë të...
-
SBB aktualisht nuk shet bileta për biçikleta për udhëtime jashtë vendit
-
Stuhia e vitit të kaluar në La-Chaux-de-Fonds shkaktoi 120 milionë franga dëme
-
Kaosi i tifozëve të Servette në ndeshjen e futbollit, i dyshuari mund të akuzohet
-
Dëmtimi i bustit të Skënderbeut në Gjenevë, reagon Ambasadori i Shqipërisë