Një qytet i ndërtuar në Mars pas 100 vjetësh?

"Projekti, i cili duhet të quhet ‘Mars 2117’, ka në plan të krijojë një miniqytet dhe një komunitet në Mars nëpërmjet bashkëpunimit ndërkombëtar”

Emiratet e Bashkuara Arabe, EBA, planifikojnë të ndërtojnë një qytet ndërkombëtar shkencor në “Planetin e kuq” më 2117. Shikoni fotot e këtij projekti.

Nëndrejtori i EBA-s ka zbuluar planet e tij për të ndërtuar një qytet të vogël në planetin Mars. “Projekti, i cili duhet të quhet ‘Mars 2117’, ka në plan të krijojë një miniqytet dhe një komunitet në Mars nëpërmjet bashkëpunimit ndërkombëtar”, tha Sheikh Mohammed, i cituar nga France24. “Mars 2117” përfshin një përpjekje të madhe të universiteteve tona të shkencës hyjnore. Ne duam të zhvillojmë një pasion për inovacione në hapësirë me brezin e ri”.

Kështu që EBA do të inkurajojë të rinjtë e vendit të saj që të punojnë për këtë projekt, i cili synon pushtimin e planetit Mars, dhe këtë tre vjet pas hapjes së agjencisë kozmike në vend. Para se të mund të konsiderojnë realisht këtë projekt, shkencëtarët do të duhet të gjejnë një mënyrë për të arritur më shpejt në “Planetin e kuq”. Shqetësimi tjetër është zbulimi i mjeteve për ushqim dhe strehim, ku klima është e thatë dhe e ftohtë, e cila është veçanërisht armiqësore. “Projekti Mars 2117 është një farë që e mbjellim sot për të korrur përfitimet e gjeneratave të reja të udhëhequra nga një pasion për shkencën dhe përparimin e njohurive të njeriut”, siguroi Sheikh Mohammed. Ai shpreson se projekti do të mund të përdoret nga shkencëtarët në Emiratet e Bashkuara Arabe, por edhe në mbarë botën.