Norvegjezët festojnë paraqitjen e diellit pas dy muajve

Banorët e qytetit Tromso në Norvegjinë veriore organizuan një festë të madhe me rastin e paraqitjes së diellit mbi qytetin e tyre pas dy muajve, raportojnë emdiat norvegjeze, përcjell albinfo.ch.

Siç është cekur nga një prej mediave lokale të këtij qyteti, është festuar fundi i natës polare, ose dy muaj të jetuarit në errësirë.

Nata polare është një fenomen natyror që ndodh vetëm në veri të Rrethit Arktik dhe në jug të Rrethi Antarktik, dhe gjatë së cilës dielli nuk ka dalë mbi horizont kur nata zgjat 24 orë në ditë. Koha në të cilën dielli nuk duket varet nga vendndodhja gjeografike e vendit dhe varion nga 20 orë të rretheve polare dhe zgjat deri në 186 ditë.

Dielli mbi qytetin norvegjez Tromso nuk u paraqit nga 27 nëntori.

Punonjësit në shumë kompani dhe fëmijët në kopshte u bashkuan në festën madhështore me rastin e paraqitjes së diellit mbi qytet.

Shfaqja e diellit mbi Tromso është transmetuar edhe drejtpërdrejt në televizion.