Lajme

Novartis do të pushojë nga puna mbi 10% të punëtorëve në Zvicër

1400 nga 11600 vende pune në Zvicër do të humbasin. Po ashtu do të shkurtohen 8,000 nga 108,000 vende pune në mbarë botën

Gjigandi farmaceutik zviceran, Novartis do të pushojë nga puna më shumë se çdo të dhjetin punonjës në Zvicër në tre vitet e ardhshme, tranmseton albinfo.ch. Më saktë, 1400 nga 11600 vende pune në Zvicër do të humbasin. Kompania po ashtu planifikon të shkurtojë 8,000 nga 108,000 vende pune në mbarë botën.

Novartis ka informuar në detaje punonjësit e saj për valën e pushimeve nga puna për herë të parë të martën. Sipas raportimeve, janë prekur të gjitha lokacionet.

Në fillim të prillit, grupi kishte njoftuar për një ristrukturim gjithëpërfshirës me të cilin Novartis dëshiron të kursejë të paktën një miliardë dollarë deri në vitin 2024 dhe të bëhet një nga 5 kompanitë farmaceutike më të mira në SHBA.

Thelbi i kësaj është bashkimi i divizioneve të ndara më parë “Produkte Farmaceutike Inovative” dhe “Barna kundër Kancerit”, shkruan sda.ch. Kompania po krijon gjithashtu një divizion të ri të strategjisë dhe rritjes së biznesit.

Përveç përshtatjes së strukturës së saj operacionale, Novartis po thjeshton gjithashtu funksionet e saj globale në financa, burime njerëzore, juridike dhe komunikim. Sipas zëdhënësit, kjo do të eliminojë vende pune në të gjithë kompaninë.

“Novartis po bën përparim të shpejtë në zbatimin e këtyre ndryshimeve në të gjithë organizatën dhe tashmë ka përfunduar emërimin e shumicës së ekipeve udhëheqëse në nivel global,” tha ai.

“Ne jemi të vetëdijshëm për ndikimin e këtyre ndryshimeve në personel dhe do të sigurojmë që të gjitha kërkesat e konsultimit të përmbushen, aty ku është e përshtatshme përmes organeve përfaqësuese”, është shprehur zëdhënësi, transmeton albinfo.ch.

Në Zvicër, tashmë janë duke u zhvilluar konsultimet formale me përfaqësuesit e punonjësve në nivel jo menaxherial dhe konsultimet me menaxhmentin e zonave në fjalë tashmë.


LAJME INTERESANTE NGA INTERNETI