Lajme
“Nuk jemi kriminelë”, shqiptarët protestojnë në Londër, kërkojnë dorëheqjen e Braverman
Emigrantët shqiptarë në Mbretërinë e Bashkuar kanë protestuar këtë të shtunë kundër deklaratave të Sekretares së Brendshme britanike, Suella Braverman, e cila tha se shqiptarët po sillnin kriminalitet në Britani dhe se duheshin larguar sa më shpejt nga vendi.
Me pankarta në duar dhe me flamuj kuq e zi, emigrantët shqiptarë i janë bashkuar tubimit në qendër të Londrës në “Westminster Bridge”, ku kërkojnë shkarkimin nga detyra të sekretares së Brendshme dhe të kërkohet falje publike nga qeveria.
Ata shprehen se ndjehen të fyer nga deklarata e Braverman, ndërsa theksojnë se nuk janë kriminelë, por taksapagues dhe kontribues në shoqërinë britanike.
Përveç atyre që jetojnë në Britani, në mbështetje kanë mbërritur edhe shqiptarë të tjerë nga Zvicra që u bashkohen kërkesave të tyre për deklaratat e sekretares britanike. Në rast se nuk ka reagim për protestën e tyre, emigrantët paralajmërojnë protestë tjetër më 28 nëntor, Ditën e Flamurit.
Debatet dhe gjuha e përdorur nga Sekretarja e Brendshme, Suella Braverman, se Britania ndodhet përballë një pushtimi azilkërkuesish shqiptarë dhe se ato duhet të dëboheshin, ka nxitur debate mes dy shteteve.
Më herët kryeministri Edi Rama theksoi se nuk mund ta toleronte reagimin e Braverman, të cilin e konsideroi ‘të çmendur’ dhe një sjellje që ushqen ksenofobinë.
“Shqipëria është ende në pritje të një kërkese faljeje nga qeveria e Mbretërisë së Bashkuar”, ka theksuar lidhur me çështjen kryeministri Rama.
VIDEO:
E-Diaspora
-
Mërgimtari humb jetën në vendin e punës, në Maltë Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Zvicër
-
Zvicra do të forcojë sigurinë në qendrat e azilit Qeveria zvicerane i ka dërguar parlamentit propozime për të forcuar sigurinë në qendrat e azilit. Lëvizja...
-
Sa aktivë janë spiunët kinezë në Zvicër?
-
Aeroporti i Bazelit evakuohet për arsye sigurie
-
Gjykata Federale: I moshuari ka të drejtë për ndihma, edhe pse ka shpenzuar paratë e veta
-
Pse 1 maji nuk është festë publike kudo në Zvicër?