Lajme
Nuk ka “viktimë të katërt” në aksidentin e djeshëm: Gruaja dhe vajza, jashtë rrezikut për jetën
Bashkëshortja e 35 vjeçarit të vdekur,ashtu sikurse edhe e bija e tyre 11 vjeçe kanë dalë sot nga gjendja e komës, ku ndodhej pas aksidentit
Tragjedia e rëndë që ndodhi ditën e djeshme në Gjermani, me ç`rast humbën jetën tre persona nga një familje kosovare me qëndrim në Zvicër ka tronditur komunitetin e këtushëm shqiptar dhe jo vetëm atë.
Sipas njoftimeve nga policia gjermane, të publikuara mbrëmë në media të ndryshme, edhe në albinfo.ch, rezultonte se edhe një person, vozitësja e automjetit, ishte në gjendje kome dhe në rrezik jete.
Sot, në orët e paradites madje edhe ministrja e Punëve të Jashtme e Kosovës, duke iu referuar Ambasadës Kosovare në Berlin, kishte dalë me njoftimin për “vdekjen e personit të katërt” në këtë tragjedi .
Për fat të mirë, kjo nuk ka ndodhur. Gruaja në fjalë, e cila ishte bashkëshorte e 35 vjeçarit të vdekur (Z.K.), ka dalë sot nga gjendja e komës, ku ndodhej pas aksidentit. Kështu tregon një burim i albinfo.ch (S.B.) nga rrethi familjar i viktimave të aksidentit. Ai po ashtu konfirmon se edhe vajza 11 vjeçe, e cila po ashtu kishte pësuar lëndime të rënda, sot është zgjuar nga koma. Ajo bashkë me të ëmën, nuk janë më në rrezik për jetën.
Burimi tjetër i albinfo.ch tregon se procedurat e nevojshme mjekoligjore rreth viktimave të aksidentit nuk do të përmbyllen para ditës së hënë ose të marte të javës tjetër. Kështu që varrimi i tyre mbetet për më vonë.
Por, sipas tij, familja tashmë ka kontraktuar një shërbim për transportin e kuformave dhe ato pritet të barten në Kosovë, ku dhe do të varrosen, në vendlindje, Rahovicë të Ferizajt.
E-Diaspora
-
Mërgimtari humb jetën në vendin e punës, në Maltë Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
-
Interi, kampion, me futbollistin shqiptar Asllani: Nuk mund të kërkoja diçka më mirë
Jeta në Zvicër
-
Zvicra do të forcojë sigurinë në qendrat e azilit Qeveria zvicerane i ka dërguar parlamentit propozime për të forcuar sigurinë në qendrat e azilit. Lëvizja...
-
Sa aktivë janë spiunët kinezë në Zvicër?
-
Aeroporti i Bazelit evakuohet për arsye sigurie
-
Gjykata Federale: I moshuari ka të drejtë për ndihma, edhe pse ka shpenzuar paratë e veta
-
Pse 1 maji nuk është festë publike kudo në Zvicër?