Lajme

Numri i ri i albinfo.ch: A duan të kthehen në Kosovë mjekët nga diaspora?

Redaksia i është qasur problemit të ikjes së mjekëve nga Kosova dhe nismës së kryeministrit Kurti për kthimin e mjekëve nga diaspora në Kosovë

“Kthimi i mjekëve nga diaspora, pro & contra”, është titulli i dosjes së madhe të numrit më të ri të revistës albinfo.ch që sapo ka dalë nga shtypi. Redaksia me këtë rast i është qasur problemit të ikjes së mjekëve nga Kosova, në njërën anë dhe nismës së kryeministrit Kurti për kthimin e mjekëve nga diaspora në Kosovë, në anën tjetër.

Për ta shterruar këtë temë sa më mirë, janë zhvilluar një numër intervistash me mjekë shqiptarë nga Zvicra, janë marrë deklarime për dhe kundër nga ta si dhe janë përcjellë të dhëna  nga autoritetet përkatëse në Kosovë. Se cila është gjendja në këtë kontekst, do të lexoni pra në numrin e ri të revistës sonë.

Në Cyrih, më 26 nëntor mbahet eventi i “Swissalbs” i radhës për zgjedhjen e afaristit të ri më të mirë shqiptar në Zvicër. albinfo.ch në cilësinë e partnerit medial të këtij organizimi, ka realizuar një dosje tjetër, në po këtë numër reviste, lidhur me këte organizim. Në këtë dosje mund të lexoni, veç tjerash, intervistat me pjesëtarët e jurisë që do të bëjë zgjedhjen e afaristit më të mire, të ri, shqiptar në Zvicër.

Edhe një temë nga mjekësia por që nuk lidhet me dosjen për kthimin e mjekëve nga diaspora ka gjetur vend në numrin aktual të revistës. Fjala është për prezantimin e një inovacioni që ka bërë kirurgu shqiptar i Zvicrës Dr. Gazmend Morina. Se për çfarë inovacioni është fjala dhe cili është funksioni i tij, mund të mësoni në intervistën e albinfo.ch të zhvilluar me të.

Numri më i ri i revistës, me faqe të shtuara, mund të sigurohet falas në ambientet që frekuentojnë shqiütarë kudo, në Zvicër.

Ju urojmë lexim të këndshëm!