Koronavirusi: çast pas çasti

Numri i të vdekurve nga koronavirusi në Zvicër ngjitet në të paktën 150

Ky ishte rezultat i një numërimi të bërë nga agjensia e lajmeve Keystone-SDA bazuar në informacionet që ka marrë nga kantonet

Vazhdon të rritet numri i personave të prekur nga koronavirusi në Zvicër: Zyra Federale e Shëndetit Publik (BAG) ka raportuar rreth orës 18 të mbrëmjes për 9765 raste të infektimit, të konfirmuara nga laboratori, shkruan sda.ch. Bëhet fjalë për 929 raste më shumë se një ditë më parë, transmeton albinfo.ch.

Të paktën 150 njerëz kanë vdekur tani nga sëmundja e mushkërive, bëjnë të ditur mediat.

Ky ishte rezultat i një numërimi të bërë nga agjensia e lajmeve Keystone-SDA bazuar në informacionet që ka marrë nga kantonet.

Ndërkohë BAG ka regjistruar vetëm 103 vdekje që vihen në lidhje me sëmundjen COVID-19, përcjell albinfo.ch. Ky numër, sipas BAG, bazohet në raporte të dërguara nga laboratorët dhe nga mjekët. Prandaj BAG arsyetohet se numri rasteve mund të ndryshojnë nga ato që komunikohen nga kantonet.