Nuri Seferi anulon meçin në Hamburg, lëndohet gjatë stërvitjeve

Boksieri i njohur shqiptar me qëndrim në Zvicër, Nuri Seferi, nuk ka boksuar mbrëmë në Hamburg të Gjermanisë. Këtë e ka konfirmuar vetë Seferi në një postim në Facebook.

„Në meçin e radhës që ishte planifikuar të ndodhte më 24.10. në Hamburg të Gjermanisë ishte e pamundur të boksoja në këtë datë dhe 3 javë më parë anulova ndeshjen për shkak se gjatë stërvitjeve kam marrë një lëndim në krah, ku më pamundësoi të ngjitem në ring për një kohë të shkurtër”, thotë Seferi.

Meci, thotë Seferi, do të ndodhë shumë shpejt.

„Pa dyshim që mbështetja juaj është frymëzimi im që në të ardhmen ta bëj krenar kombin tim me një fitore të radhës”, tha Seferi, i cili njihet dhe si “Tajsoni shqiptar”.