Maqedonia
Nxënësit shqiptarë në Veles mësojnë me alfabet cirilik!
Meqenëse nuk kanë asnjë arsimtar në gjuhën shqipe, ata nuk dinë të shkruajnë në gjuhën e tyre amtare
Dy nxënëset Alidja dhe Almedina janë nga fshati Karasllar i Velesit (Maqedoni).
Lëndë në gjuhën shqipe nuk kanë. Meqenëse nuk kanë asnjë arsimtar në gjuhën shqipe, ato nuk dinë të shkruajnë në gjuhën e tyre amtare, raporton “TV 21” në Maqedoni.
Edhe ata që ishin më të rritur kishin probleme me leximin-shkrimin në gjuhën shqipe.
Sadam Bojaxhiu, 25-vjeçar, thotë se e ka të vështirë shkrimin dhe leximin në gjuhën amtare dhe se gjuhën e ka ruajtur me anë të komunikimit me familjarët e tyre, përcjell albinfo.ch.
Çfarë gjuhe ke mësuar në shkollë?- e pyeti gazetari.
Maqedonisht kam mësuar, -tha Sadam Bojaxhiu.
Shqip a di të shkruash e të lexosh?- e pyeti gazetari.
Me lexu di, por jo mirë, meqenëse nuk kemi mësuar shqip, tha Sadam Bojaxhiu.
Asnjë lëndë nuk e ke pasur shqip?- e pyeti gazetari.
Jo, jo, asnjë,- tha Sadam Bojaxhiu.
Në shkollën fillore mësojnë 9 nxënës, ku 6 prej tyre mësojnë deri në klasën e pestë, për të vazhduar më pas në një fshat tjetër, po ashtu në gjuhën maqedonase.
Kryetari i Komunës së Velesit, Ace Kocevski, thotë se për momentin nuk ka asnjë zgjidhje për nxënësit e fshatit Karasllar i Epërm. Mundësia e vetme është që ta ndjekin mësimin në gjuhën maqedonase.
Prindërit e fëmijëve thanë se nuk kanë besuar kurrë se në këtë fshat mund të mësohet gjuha shqipe. Andaj, për këtë çështje nuk kanë ngritur asnjë iniciativë ose kërkesë në Ministrinë e Arsimit.
Të ngjashme
Të tjera nga Maqedonia
E-Diaspora
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman Autorja prezanton në bibliotekën "Pestalozi", në Cyrih romanin e saj të sapobotuar "Die Töchter des...
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
-
Mërgimtari humb jetën në vendin e punës, në Maltë
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
Jeta në Zvicër
-
Zvicër: Më 2024 priten më shumë zjarre për shkak të ngrohjes globale Parashikimet e Institutit për Studimin e Borës dhe Orteqeve (SLF) tregojnë gjithashtu se periudha me probabilitetin...
-
Zviceranët duan të ulin kostot e kujdesit shëndetësor
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane
-
Amnesty International kritikon Zvicrën