Lajme
OBSH: Bota të bashkohet për trajtimin e pandemisë
"Bota është në një pikë të rrezikshme të kësaj pandemie", tha Ghebreyesus në një konferencë për media në selinë e OBSH-së në Gjenevë
Të mërkurën (7 korrik) bota arriti “momentin tragjik” të shënimit të katër milionë viktimave nga sëmundja COVID-19, tha Organizata Botërore e Shëndetësisë, duke shtuar se numri i vërtetë i viktimave mbase është më i lartë.
Shefi i OBSH-së, Tedros Adhanom Ghebreyesus, njoftoi se shifra prej katër milionësh u shënua më shumë se 18 muaj që kur ndodhi shpërthimi i parë i përhapjes së koronavirusit, në dhjetor të vitit 2019, në Kinë, transmeton Rel, përcjell Albinfo.ch.
“Bota është në një pikë të rrezikshme të kësaj pandemie”, tha Ghebreyesus në një konferencë për media në selinë e OBSH-së në Gjenevë.
Ai përmendi faktin se disa vende, për shkak të një shkalle të lartë të imunizimit, po i heqin kufizimet sikur pandemia të kishte mbaruar.
Por, shefi i OBSH-së tërhoqi vërejtjen se në gjithë botën po regjistrohet rritje e mprehtë e rasteve të reja dhe shtrimeve në spital, për shkak të varianteve të reja të koronavirusit që po përhapen me shpejtësi, por edhe për shkak të një “pabarazie në qasjen në vaksina kundër COVID-19”.
“Kjo situatë po çon në mungesë të oksigjenit, trajtimeve dhe nxitjen e një vale të viktimave në disa pjesë të Afrikës, Azisë dhe Amerikës Latine”, tha ai.
“Nga pikëpamja morale, por edhe epidemiologjike ose ekonomike, tani është koha që bota të bashkohet për të trajtuar këtë pandemi”, tha shefi i OBSH-së.
E-Diaspora
-
Arnold “The Cobra” Gjergjaj triumfon në luftën e fundit Gjatë së shtunës Arnold “The Cobra” Gjergjaj triumfoi kundër Dennis Lewandowski. Kjo ndeshje e madhe u...
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
Jeta në Zvicër
-
Bernë: Parukierja me kombinim të pazakontë – prerje, larje dhe këshilla juridike Parukierja në Bernë, Geraldine Scherler ka “guxuar” me një kombinim të pazakontë. Pse të zgjidhni midis...
-
Zgjedhjet Evropiane 2024: Një e katërta e popullsisë zvicerane ka të drejtë vote
-
Zvicër: 26-vjeçari vozit me 161 km/h në zonën e kufizimit 80 km/h
-
AAK – dega në Zvicër zgjedh strukturat drejtuese
-
Incidentet raciste në Zvicër – në rritje, veçanërisht në shkolla