Lajme
OBSH: Infektimet janë përgjysmuar që nga fillimi i vitit
Në nivel global, numri i infektimeve nga koronavirusi ka ardhur në rënie për të pestën javë radhazi. Madje që nga fillimi i vitit, sipas OBSH-së, bilanci i përjavshëm i infektimeve pothuajse është përgjysmuar. Lajmin e pohoi vetë numri një i organizatës, Tedros Adhanom Ghebreyesus.
Rastet javore, tha ai, nga mbi 5 milionë që ishin në periudhën 4-10 janar, kanë zbritur në 2,6 milionë në harkun kohor 8-14 shkurt. Një ditë më parë, OBSH-ja dha autorizimin për përdorimin urgjent të vaksinës së koronavirusit AstraZeneca, një hap që mund t’i lejojë partnerët e agjencisë të dërgojnë miliona doza në vendet e ndryshme të botës, si pjesë e një programi për të zbutur pandeminë.
Leja e OBSH-së për përdorimin e vaksinës AstraZeneca është e dyta që ajo jep pas miratimit prej saj të vaksinës Pfizer-BioNTech në dhjetor. Njoftimi pritet të shoqërohet me fillimin e shpërndarjes së qindra miliona dozave në vendet e regjistruara në nismën COVAX të mbështetur nga OKB-ja, e cila synon vaksinimin e njerëzve më të ekspozuar në botë.
“Vendet që nuk kanë qasje te vaksina, do të jenë më në fund në gjendje të fillojnë të vaksinojnë punonjësit e tyre shëndetësorë dhe popullatat në rrezik”, tha Dr Mariangela Simao, ndihmës-drejtoreshë e përgjithshme e OBSH-së për Barnat dhe Produktet Shëndetësore. Pandemia e koronavirusit ka infektuar rreth 109 milionë njerëz në gjithë botën dhe ka shkaktuar vdekjen e të paktën 2.4 milionë prej tyre.
Të tjera nga Lajme
E-Diaspora
-
Detaje nga rasti kur një shtetas nga Kosova vrau pronarin e biznesit në Dyseldorf Një vrasje me armë zjarri është regjistruar dje në qytetin e Dyseldorfit në Gjermani. Mësohet se...
-
Arnold “The Cobra” Gjergjaj triumfon në luftën e fundit
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
Jeta në Zvicër
-
Stuhia e vitit të kaluar në La-Chaux-de-Fonds shkaktoi 120 milionë franga dëme Stuhia e 24 korrikut shkaktoi dëme më të mëdha në ndërtesat në La Chaux-de-Fonds NE sesa...
-
Kaosi i tifozëve të Servette në ndeshjen e futbollit, i dyshuari mund të akuzohet
-
Dëmtimi i bustit të Skënderbeut në Gjenevë, reagon Ambasadori i Shqipërisë
-
Kantoni i Cyrihut merr masa kundër antisemitizmit
-
Mbi katër mijë milionerë në Zvicër