Lajme
OBSH rekomandon përzierje antitrupash për dy kategori pacientësh
Organizata Botërore e Shëndetit (OBSH) ka rekomanduar një trajtim të bazuar në kombinimin e dy antitrupave monoklonalë, kazirivimab dhe imdevimab, të prodhuar nga Regeneron, për dy kategori të veçanta të pacientëve me COVID-19, sipas një njoftimi nga British Medical Journal (BMJ) në faqen e saj të internetit, transmeton Ansa, përcjell Albinfo.ch.
Kategoria e parë është ajo e pacientëve me sëmundje të vogla, por që, megjithatë, janë në rrezik të lartë për shtrim në spital.
Kategoria e dytë ka të bëjë me ata që vuajnë nga gjendje shëndetësore serioze ose kritike, pa treguar një përgjigje imune ndaj COVID-19.
Rekomandimi i parë bazohet në dëshmi të reja nga tre studime, që ende nuk janë rishikuar nga komuniteti shkencor, por që tregojnë se casirivimab dhe imdevimab ka të ngjarë të zvogëlojnë rrezikun e shtrimit në spital dhe kohëzgjatjen e simptomave tek personat në rrezik më të lartë për gjendje të rëndë të sëmundjes, të tilla si të pavaksinuarit, të moshuarit ose pacientë me imunitet të dobësuar.
Rekomandimi i dytë bazohet në të dhënat nga studimi Recovery, që tregojnë se dy antitrupat ka të ngjarë të zvogëlojnë vdekjet (duke filluar nga 49 më pak në 1 000 të sëmurë rëndë në 87 më pak në të sëmurë kritikë) dhe nevojën për ventilim mekanik te pacientët seronegativë.
“Casirivimab dhe imdevimab, kur përdoren së bashku, lidhen me proteinën Spike të SARS-CoV-2, duke neutralizuar aftësinë e virusit për të infektuar qelizat”, shpjegon BMJ.
Paneli njohu disa implikime të kostos dhe burimeve të lidhura me këtë trajtim, që mund ta bëjnë të vështirë qasjen në vendet me të ardhura të ulëta dhe të mesme.
Për këtë OBSH ka nxitur prodhuesit dhe qeveritë të ndërhyjnë në çmimin e lartë dhe prodhimin e kufizuar të kombinimit të antitrupave, si edhe të sigurojnë trajtim të sigurt dhe të përshtatshëm të ilaçit.
E-Diaspora
-
Mërgimtari humb jetën në vendin e punës, në Maltë Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Zvicër
-
Zvicra do të forcojë sigurinë në qendrat e azilit Qeveria zvicerane i ka dërguar parlamentit propozime për të forcuar sigurinë në qendrat e azilit. Lëvizja...
-
Sa aktivë janë spiunët kinezë në Zvicër?
-
Aeroporti i Bazelit evakuohet për arsye sigurie
-
Gjykata Federale: I moshuari ka të drejtë për ndihma, edhe pse ka shpenzuar paratë e veta
-
Pse 1 maji nuk është festë publike kudo në Zvicër?