OEAK: Projektligji për pagat ka kosto të konsiderueshme buxhetore

Foto ilustrim

Oda Ekonomike Amerikane në Kosovë ka përshëndetur vendimin për tërheqjen e Projektligji për Pagat nga ekzekutivi i vendit, por thotë se ai do të rrisë ngarkesën mbi arkën e shtetit dhe si i tillë rrezikon qëndrueshmërinë buxhetore.

“Oda Amerikane beson fuqishëm se aprovimi i Projektligjit për Paga në formën aktuale, do të kishte implikime të konsiderueshme buxhetore, duke zvogëluar në të njëjtën kohë mjetet buxhetore për investime kapitale, që janë tejet të rëndësishme për fuqizimin e sektorit privat dhe nxitjen e zhvillimit ekonomik”, thuhet në reagim, përcjell albinfo.ch.

Gjithashtu Oda Amerikane konsideron se i njëjti projektligj rrit edhe më tej hendekun ndërmjet niveleve të pagesave në sektorin publik dhe atë privat, duke pasur parasysh që ndërmarrjet e sektorit privat e kanë të pamundur të përcjellin trendet e rritjes së pagave nga institucionet publike të vendit përgjatë viteve të fundit.