OKB bën thirrje urgjente për ndalimin e luftimeve në Gaza

Keystone EPA/HAITHAM IMAD

Krerët e disa organizatave të OKB-së dhe grupeve humanitare kanë lëshuar një thirrje të përbashkët për një armëpushim të menjëhershëm humanitar midis Izraelit dhe Hamasit.

“Ne përsërisim lutjen tonë për palët që të respektojnë të gjitha detyrimet e tyre sipas ligjit ndërkombëtar humanitar dhe të të drejtave të njeriut”, thuhet në deklaratë.

Deklarata u nënshkrua nga krerët e disa organeve të OKB-së dhe organizatave ndërkombëtare bamirëse, duke përfshirë kreun e organizatës së ndihmës emergjente të OKB-së, OCHA, Organizatës Ndërkombëtare për Migracionin, Programin e Zhvillimit të OKB-së, agjencinë e OKB-së për refugjatët (UNHCR), si dhe disa OJQ si p.sh. “Save the Children dhe “CARE International”, ndër të tjera, transmeton dpa, përcjell albinfo.ch.

Deklarata dënon vrasjen e tmerrshme të izraelitëve dhe marrjen e pengjeve nga Hamasi, si dhe hedhjen e raketave nga Gaza.

“Sidoqoftë, vrasjet e tmerrshme të edhe më shumë civilëve në Gaza është një shkelje, siç është ndërprerja e 2,2 milionë palestinezëve nga ushqimi, uji, ilaçet, energjia elektrike dhe karburantet”, thuhet në deklaratë.