Omicron pritet të arrijë kulmin në Zvicër këtë muaj

Ekspertët zviceranë të shëndetësisë thonë se ata presin që numri i infeksioneve Covid të arrijë kulmin brenda dy javëve të ardhshme dhe rekomandojnë rishikimin e politikës së karantinës, përcjell albinfo.ch.

“Ne mund të arrijmë kulmin brenda një deri në tre javësh nëse kontaktet mes njerëzve qëndrojnë në të njëjtin nivel”, tha Tanja Stadler nga Task forca në një konferencë shtypi të martën.

“Rastet do të dyfishohen çdo tetë deri në dhjetë ditë”, tha ajo.

“Si rezultat, midis dhjetë dhe 30% e popullsisë do të infektohen me Covid”.

Ajo shtoi se deri në 300 pacientë të rinj mund të duhet të pranohen në njësitë e kujdesit intensiv dhe shumë të tjerë në kujdesin e rregullt spitalor, përcjell tutje albinfo.ch.

---