Kosova
Opozita kritikon shtyerjen e seancës
Opozita thotë se shtyrja po bëhet me qëllim që presidenti të takohet me Vuçiqin.
Drejtuesit e partive opozitare LDK, VV dhe Alternativa kanë kërkuar me ngulm që seanca e Kuvendit, e thirrur nga ta për votimin e rezolutës, më të cilën do t’i pamundësohej presidentit Thaçi që në dialog të bisedojë për shkëmbim të territoreve, të mbahet sot.
Shef i Grupit Parlamentar të VV-së, Glauk Konjufca, ka thënë se shtyrja e seancës së thirrur nga partitë e koalicionit qeverisës po bëhet me qëllimin që Thaçi të takohet me Vuçiqin.
Ai i bëri thirrje Veselit që të thërrasë seancën e opozitës.
“Kjo është kategori kushtetuese, kjo nuk i duron lojërat e Veselit. E ka obligim që ta thërrasë. Kërkojmë pra që sot ta thërrasë”, deklaroi zyrtari i VV-së.
Edhe shefi i GP të LDK-së, Avdullah Hoti, tha se nuk po kërkojnë diçka që po kanë dëshirë, por diçka që është e rregulluar me Kushtetutë, siç është thirrja e seancës së jashtëzakonshme me 40 nënshkrime.
Ndërkaq, deputetja e pavarur, Mimoza Kusari-Lila, ka akuzuar presidentin Hashim Thaçi si personin e vetëm që ka prodhuar krizat e deritanishme në Kosovë dhe ka bërë thirrje që Kuvendi t’ia heqë kompetencat për dialog.
Të ngjashme
Të tjera nga Kosova
E-Diaspora
-
Shkëlqimi shqiptar dhe eleganca e kohëve të shkuara në ekspozitën e Kristian Zefit Në këtë ekspozitë, në Rothrist (Aargau) do të paraqiten instrumenta tradicionale, artefakte etnografike dhe kostume të...
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit