Organizimi i aktiviteteve të ndaluara në kohë pandemie gjobitet deri në dy mijë euro

Keystone

Instituti Kombëtar i Shëndetit Publik që nga fillimi i pandemisë COVID-19 ka bërë thirrje që qytetarët të shmangin grumbullimin në mënyrë që të mos përhapet coronavirusi, ndërsa Qeveria me anë të një vendimi ka ndaluar grumbullimin e më shumë se pesë personave në vende publike.

Me Ligjin për luftimin e COVID-19, organizimi i aktiviteteve të ndaluara gjobitet deri në dy mijë euro.

Qeveria po ashtu ka ndaluar ahengjet familjare, si dhe ato kulturore dhe sportive në mjedise të mbyllura dhe të hapura në të gjithë territorin e Republikës së Kosovës, duke përfshirë shkollat e futbollit dhe sportet e tjera.

Neni 25 i këtij Ligji ka të bëjë me aktivitet e caktuara në mjedise private dhe publike dhe gjobat për të gjithë ata që nuk i respektojnë masat e paraparë me këtë Ligj.

Ndryshe, pavarësisht vendimit të Qeverisë për ndalimin e ahengjeve, në raportet e policisë ka pasur disa raste të arrestimit pikërisht për shkak të organizimit të ahengjeve, përcjell albinfo.ch.