Lajme
Organizohet sërish ngjarja filantropike “Shpëto Jetë” në Cyrih
![](https://www.albinfo.ch/wp-content/uploads/2023/04/amc-587x330.png)
Duke e parë nevojën e madhe për t’iu dalë në ndihmë nënave dhe fëmijëve në Kosovë, Aksioni për Nëna dhe Fëmijë, do të organizojë edicionin e 5-të të mbrëmjes filantropike “Shpëto Jetë”, në Zurich.
Mbrëmja bamirëse “Shpëto Jetë” do të mbahet me datë 05 Maj duke filluar nga ora 20:00, në Restaurant Aubrey Schiffbaustrass 10, 8005 Zurich, ku do të shoqëroheni nën muzikën e bendit “String String”.
Kjo ngjarje ka për qëllim ngritjen e fondeve për t’i mbuluar nevojat esenciale në spitalet publike të Kosovës me pajisje mjekësore dhe medikamente të cilat shpëtojnë jetën e nënave dhe fëmijëve.
Përveç dhurimit të donacioneve, mbrëmja përfshin: darkë, muzikë live, rrjetëzim me komunitetin shqipëtar, socializim dhe filantropi.
Pjesëmarrja juaj do të jetë një kontribut i jashtëzakonshëm në misionin tonë drejt përmirësimit të shëndetit të nënave dhe fëmijëve në Kosovë.
Thirrja për mbështetje dhe sponzorë është e hapur dhe kompanitë apo individët të cilët dëshirojnë të bëhen sponzorë dhe pjesëmarrës të ngjarjes filantropike.
Falë punës së AMC-së dhe mbështetjes së donatorëve tone përgjatë viteve:
Mbi 5000 jetë foshnjesh janë shpëtuar falë medikamentit surfaktant dhe përdorimit të SiPAP;
Mbi 4000 foshnje kanë përdorur inkubatorët e dhuruar në Neonatologji;
Rreth 2000 foshnje në vit përdorin sistemin e oksigjenit;
Medikamente dhe pajisje mjekësore me vlerë mbi 3 milion euro janë dhuruar ndër vite në QKUK dhe spitalet e vendit;
Rreth 14,000 gra dhe vajza kanë përfituar PAP-teste falas nga programi i Skriningut;
Kemi hapur 17 Qendra Informuese për Shëndetin e Gruas, ku mbi 10,000 gra dhe prindër kanë përfituar këshilla rreth shtatzanisë, planifikimit familjar dhe shëndetit të tyre.
Prandaj, ju ftojmë që të na bashkoheni në edicionin e 5-të të ngjarjes bamirëse “Shpëto Jetë” në Zurich. Të festojmë për arritjet tona të përbashkëta e të dhurojmë për një të ardhme të shëndetshme për nënat dhe fëmijët në Kosovë.
*Të gjitha të hyrat nga sponzorizimet dhe shitja e biletave për këtë ngjarje, në mënyrë transparente, do të përdoren në programet shëndetësore të organizatës Action for Mothers and Children.
Linku i eventit: https://fb.me/e/3zu1Vemtu
Website: www.amchealth.org
Email adresa: [email protected]
Info rreth ngjarjes
- Data e fillimit05 Maj 2023
- Ora20:00
- LokacioniSchiffbaustrass 10, 8005 Zurich
- Data e përfundimit5 Maj 2023 - 23:00
E-Diaspora
-
Mërgimtarët janë duke pritur deri në 2 orë në pikën Dheu i Bardhë Fluks i mërgimtarëve drejt Kosovës ...
-
Mërgimtarja e denoncon burrin për dhunë, e sulmoi pasi vendosi të shkojë në pushime me fëmijë
-
Besmir Hoxha, profesionist në fushën e energjisë në SHBA
-
Vazhdojnë ardhjet e mërgimtarëve, pritje në Merdar
-
Pritje të gjata në disa pikëkalime kufitare Kosovë-Serbi
Jeta në Zvicër
-
Zvicra nis një fushatë ndërgjegjësimi për përdorimin e dronëve Në Zvicër, dhjetëra mijëra njerëz zotërojnë drone. Por përdorimi i këtyre pajisjeve të drejtuara kërkon të...
-
Pse dështuan iniciativat për uljen e kostove shëndetësore në Zvicër?
-
Rrezik zjarri në pyje në kantonin e Valais-it
-
7 kilometra kolona përpara Gotthard-it
-
Roche – kompania më e vlefshme zvicerane, mposht Nestlé-n