Pacolli kthehet nga Zvicra

Por, ateron në Tiranë dhe jo në Prishtinë

Lideri i AKR-së, njëherësh deputet në Kuvendin e Kosovës, Behgjet Pacolli ka fluturuar sot nga Zvicra për t’u kthyer në Kosovë.

Sipas mediave kosovare  Pacolli nuk ka ateruar në Prishtinë, por në Tiranë ku tashmë edhe ka mbërritur.

Pacolli qëndroi për një kohë të gjatë në Zvicër si pasojë e situatës së krijuar nga pandemia COVID-19.

Ndryshe gjatë ditës së sotme dhe ditëve të kaluara u komentua shumë çështja e kthimit të tij, për shkak të rregullit të ministrisë së Shëndetësisë që çdokush që vie në Kosovë të futet në karantinë.

Por duhet përkujtuar që pati lëshime edhe më herët për personat të cilët nuk u karantinuan.

Pak më parë, Avdullah Hoti, i nominuari për kryeministër nga LDK deklaroi se AKR do të jetë pjesë e koalicionit LDK-AAK, NISMA, e që pritet nga Pacolli të jap dritën jeshile lidhur me këtë çështje, për votimin e qeverisë së re.

---