“Pak gjasa” që ushqimi të jetë burim i bartjes së COVID-19

Një ekip ekspertësh kanë thënë se ka shumë pak gjasa që ushqimi të jetë burim i bartjes së COVID-19.

Komisioni Ndërkombëtar rreth Specifikimeve Mikrobiologjike për Ushqimet (ICMSF) ka hulumtuar provat se koronavirusi mund të bartet përmes ushqimit apo paketimeve ushqimore, por ka gjetur fare pak dëshmi për një gjë të tillë, raporton CNN, transmeton koha.

Gjetjet e tyre janë të ngjashme me raportimet e mëhershme të Administratës amerikane për Ushqim dhe Barna, se nuk ekziston rrezik i njëmendtë i infektimit me virus përmes ushqimit apo paketimeve ushqimore.

“Deri më tani, nuk ka pasur asnjë provë se ushqimi apo pakot ushqimore janë burim i bartjes së SARS-CoV-2”, ka bërë të ditur organizata përmes një deklarate.