Lajme
Pandemia dëmton buxhetin e Zvicrës me 5 miliardë franga
Arsyeja e minusit është masa e shpenzimeve të jashtëzakonshme, të vlerësuara me 7.4 miliardë franga zvicerane
Sipas projeksionit financiar për vitin 2022, Qeveria Federale tani pret një deficit financimi prej rreth pesë miliardë frangash, ndërsa ishin buxhetuar vetëm 2.3 miliardë franga.
Këshilli Federal është informuar sot për shifrat e përmendura më lart. Arsyeja e minusit është masa e shpenzimeve të jashtëzakonshme, të vlerësuara me 7.4 miliardë franga zvicerane, transmeton albinfo.ch. Pjesa më e madhe është e lidhur me pandeminë. Por vlerësohet po ashtu se 0.9 miliardë shpenzohen për refugjatët nga Ukraina, të strehuar në Zvicër.
Më shumë para nga TVSH-ja
Në buxhetin e zakonshëm, sipas vlerësimeve aktuale, Konfederata pret një suficit financimi prej 0.7 miliardë CHF në vend të deficitit të pritshëm më parë, prej 0.6 miliardë CHF, shkruan Departamenti i Financave (FDF). Sipas parashikimit të parë për vitin 2022, të ardhurat e zakonshme do të jenë për 0.8 miliardë CHF më të larta, njofton srf.ch. Një nga arsyet kryesore janë të ardhurat shtesë prej 1.1 miliardë CHF nga TVSH-ja.
Parlamenti ka miratuar deri më tani masën e shpenzimit të jashtëzakonshëm prej 9.1 miliardë CHF për vitin 2022. Aktualisht duket sikur shpenzimet e planifikuara dhe të miratuara të koronës nuk do të përdoren të gjitha, veçanërisht jo në rastin e humbjes së fitimeve dhe punës me kohë të shkurtër. Megjithatë, vlerësimet janë ende subjekt i pasigurisë së madhe, shkruan qeveria federale.
Të ngjashme
Të tjera nga Lajme
E-Diaspora
-
Lea Ypi, “një yll i ri i fiksuar në qiellin filozofik” Gazeta "Die Presse" shkruan mbi librin më të ri të Lea Ypit "Die Architektonik der...
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
-
Interi, kampion, me futbollistin shqiptar Asllani: Nuk mund të kërkoja diçka më mirë
-
Evropë
Washington Post shkruan për zërin e sopranos shqiptare Ana Naqe