Pandemia rriti kërkesat për aeroplanë privatë

Kjo ka bërë që operatorët të hasin në vështirësi të mëdha për të siguruar shërbimit e duhur.

FOTO: APA/ZEITUNGSFOTO.AT/DANIEL LIEBL

Një rritje e madhe e kërkesës për të përdorur avionë privatë nga të pasurit, gjatë pandemisë, ka bërë që operatorët të hasin në vështirësi të mëdha për të siguruar shërbimit e duhur.

Sipas WingX, gjatë këtij viti pati rreth 4.2 milionë fluturime me avionë privatë, ose e thënë ndryshe, 54% më shumë krahasuar me vitin e mëparshëm.

Sipas operatorëve, kërkesa ka ardhur në rritje pas vështirësive që kanë pasur kompanitë e fluturimeve komerciale, si dhe shtimit të njerëzve të pasur, sidomos në Amerikë.

Shembull për këtë është operatori i shërbimeve ajrore të luksit Flexjet, i cili vetëm gjatë muajit shtator pati një shtim me 53 të fluturimeve dhe gjithashtu ka shtuar dhe flotën e avionëve me 40% brenda vitit.

Operatori rival NetJets shtoi 30 avionë të tjerë në flotën e tij dhe po mendon të investojë mbi 2 miliardë euro për të blerë 100 avionë të tjerë deri në vitin 2022.

LAJME INTERESANTE NGA INTERNETI