Panucci publikon listën për ndeshjet me Izraelin dhe Skocinë

Risi në këtë listë janë lojtarët e ri të grumbulluar si Mihaj, Binjaku dhe Besimir Demiri

Trajneri i kombëtares shqiptare, Christian Panucci ka publikuar listën e futbollistëve të grumbulluar për ndeshjet me Izraelin dhe Skocinë.

Ai ka folur në një konferencë për shtyp në ambientet e Federatës Shqiptare të futbollit, për dy ndeshjet që Shqipëria do të luajë me Izraelin dhe Skocinë në 7 dhe 10 shtator për Ligën e Kombeve.

Risi në këtë listë janë lojtarët e ri të grumbulluar si Mihaj, Binjaku dhe Besimir Demiri. “Jemi një skuadër e mirë, nëse do jemi të plotë. Dikush mendon se jemi Brazili, por nuk jemi ata. Mavraj ka kohë që nuk luan, Grezda po ashtu. Roshi e Sadiku të dëmtuar. Jam përpjekur të nis një skuadër eksperte, pasi këto kanë rëndësi. Agolli e Lika kanë dyshime në prezencën në fushë. Nëse jemi një skuadër e plotë, bëjmë mirë siç kemi bërë ndaj Turqisë, Spanjës”, ka thënë ai.

---