Papa Françesku pret klerikët katolikë të Ballkanit, kërkohet pajtim mes popujve

Peshkopi serb, Ladislav Nemet, ka thënë se “dialogu ndërfetar në Kosovë, është kuptimplotë, teksa katolikët jetojnë në mesin e myslimanëve”

Papa Françesku ka takuar të hënën klerikët katolikë nga Serbia, Kosova, Mal i Zi dhe ish-Republika Jugosllave e Maqedonisë, të cilët po qëndrojnë në një vizitë në Vatikan. Fluksi i emigrantëve, pajtimi dhe situata e Kishës në rajonin e Ballkanit, konkretisht në Serbi, Mal të Zi, Maqedoni e Kosovë, ishin disa nga temat boshte në vizitën “ad limina apostolorum”, nëVatikan.

Peshkopët nga Ballkanimorën pjesë në ‘Konferencën ipeshkëvnore ndërkombëtare Shën Çirili e Matodi’ (Ceicem) që mbledh ipeshkvijtë e dioqezave katolike të Serbisë, Malit të Zi, Maqedonisë e Kosovës. Këta klerikë u pritën në Pallatin Apostolik në Vatikan, në audiencë nga Papa Françesku.

Ndër ipeshkvitë e kësaj Konference ndërkombëtare episkopale, kryeipeshkvi i Tivarit të Malit të Zi, imzot Rrok Gjonlleshaj, për të cilin është vizita e parë ad limina, dhe ipeshkvi i Kosovës, imzot Dodë Gjergji.

Në një prononcim për Radio Vatikanin, peshkopi serb, Ladislav Nemet, ka thënë se “dialogu ndërfetar në Kosovë, është kuptimplotë, teksa katolikët jetojnë në mesin e myslimanëve”

“Ta ruajmë frymën e bashkëpunimit ndërmjet katër shteteve: pavarësisht nga fakti se i kemi kërkuar Selisë së Shenjtë ta ndajë Konferencën ‘Shën Çirili e Matodi’, ne punojmë së bashku deri atëherë kur Selia e Shenjtë nuk do të japë një përgjigje në këtë drejtim, “ ka shtuar peshkopi serb.

“Prioriteti dytë është ai i përforcimit të pranisë sonë në këto katër shoqëri të ndryshme. Akoma është larg pajtimi ndërmjet kroatëve e serbëve, ndërmjet shqiptarëve e serbëve,” ka thënë më tej peshkopi Nemeti.