„Paqja në punë: një aktualitet i shqiptarëve“

„ Albanian Engineering of Switzerland“ dhe Federata e Sipërmarrësve të Kantonit Vaud do të organizojë në fillim të marsit një seminar me temë: „Paqja në punë: një aktualitet i shqiptarëve“.

 „Në vitin 2012 është festuar ditëlindja e 75-të e kësaj marrëveshjeje, që mbështetet në konventat e shumta kolektive, e cila ka sjellë një stabilitet të madh në ekonominë e Zvicrës dhe ka nxitur rritjen e saj për të mirën e të gjithëve. Kjo marrëveshje, e quajtur «Paqja në punë», është e njohur në kulturën e marrëveshjeve tipike zvicerane“, thuhet në njoftimin e organizatorëve të seminarit.

Pavarësisht zhvillimit të botës së punës, kjo marrëveshje paraqet ende një shtyllë të sistemit social helvetik. Ekonomia zvicerane gjithashtu varet shumë edhe nga sipërmarrësit dhe punëtorët nga imigracioni, dhe në veçanti nga ata shqiptarë.

Në seminar punëtorët do të mësojnë më shumë për marrëveshjen, e quajtur «Paqja në punë».

 „Punëtorët shqiptarë a kanë njohuri të mjaftueshme lidhur me përparësitë që paraqet, si për patronët ashtu edhe për punëtorët, kjo formë e zgjidhjes së konflikteve?  A e kuptojnë se çfarë përfshin kjo marrëveshje në jetën e ndërmarrjes? Janë këto pyetje, të cilave do të mundohet t’u përgjigjen ekspertët në këtë  seminar: Philippe Leuba, ministër i Ekonomisë dhe Sportit në Kantonin Vaud, Rexhep Gashi, Kryetar i AES – Zvicër, Olivier Meuwly, Historian, Georges Zünd, Drejtor i FVE, Jean Kunz, Drejtor UNIA – VD, Sophie Paschoud, Sekretare patronale CP.

Më shumë informacione për seminarin në linkun e mëposhtëm: