Lajme
Paralajmërim: Ndryshimet klimatike mund të rrisin rastet e vdekjeve
![](https://www.albinfo.ch/wp-content/uploads/2019/07/klimatike-1-780x439-587x330.jpg)
Ndryshimet klimatike mund të përkeqësojnë konfliktet në shtetet e brishta dhe të shkatërruara nga lufta. Kështu thuhet në një raport të publikuar nga Fondi Monetar (FMN)
Banka Botërore çdo vit rishikon një listë të vendeve të klasifikuara si shtete të brishta dhe të prekura nga konflikti, nga të cilat aktualisht janë 39 dhe 21 janë në Afrikë. Raporti i së mërkurës mbulon të 61 vendet që kanë qenë në listë që nga viti 2006, raportojnë mediat e huaja.
Ndryshimet klimatike përkeqësojnë trazirat ekzistuese, të vendeve të brishta që vuajnë nga lufta dhe konfliktet e përgjakshme, të tilla si uria dhe varfëria.
Vdekjet nga konfliktet si pjesë e popullsisë mund të rriten me afër 10% në vendet e brishta deri në vitin 2060, tha FMN, duke shtuar se ndryshimi i klimës mund të shtyjë edhe 50 milionë njerëz të tjerë në shtetet e brishta në uri deri në vitin 2060.
Udhëheqësit afrikanë kanë thënë se vendet më të pasura duhet të ofrojnë më shumë para për t’i ndihmuar ata të përshtaten me ndryshimet klimatike dhe kalimin në energji më të gjelbër, duke pasur parasysh se shumica e vendeve afrikane kanë prodhuar një pjesë relativisht të vogël të emetimeve që shkaktojnë ngrohjen globale.
Ata pritet të përpiqen të arrijnë një pozicion të unifikuar negociues për klimën në Samitin Afrikan të Klimës nga 4-6 shtator, përpara samitit të klimës COP28 të OKB-së në Emiratet e Bashkuara Arabe që fillon në fund të nëntorit.
Të tjera nga Lajme
E-Diaspora
-
Mërgimtarët janë duke pritur deri në 2 orë në pikën Dheu i Bardhë Fluks i mërgimtarëve drejt Kosovës ...
-
Mërgimtarja e denoncon burrin për dhunë, e sulmoi pasi vendosi të shkojë në pushime me fëmijë
-
Besmir Hoxha, profesionist në fushën e energjisë në SHBA
-
Vazhdojnë ardhjet e mërgimtarëve, pritje në Merdar
-
Pritje të gjata në disa pikëkalime kufitare Kosovë-Serbi
Jeta në Zvicër
-
Zvicra nis një fushatë ndërgjegjësimi për përdorimin e dronëve Në Zvicër, dhjetëra mijëra njerëz zotërojnë drone. Por përdorimi i këtyre pajisjeve të drejtuara kërkon të...
-
Pse dështuan iniciativat për uljen e kostove shëndetësore në Zvicër?
-
Rrezik zjarri në pyje në kantonin e Valais-it
-
7 kilometra kolona përpara Gotthard-it
-
Roche – kompania më e vlefshme zvicerane, mposht Nestlé-n