Lajme

Zvicër: Nuk ka më dënime me burgim për “raserët”, por vetëm gjoba

Dhoma Nacionale tashmë kishte hequr kufirin minimal prej një viti burgim dhe kishte vendosur të lejonte përsëri gjoba

Kushdo që bën tejkalim të shpejtësisë në trafik, nuk do të duhet të vuajë dënim me burg. Pas Dhomës Nacionale, edhe Dhoma e Kantoneve ka shfuqizuar sot dënimin minimal me burg, që ishte në fuqi, raporton srf.ch.

Kjo do të thotë që “raserët” përsëri mund të sanksionohen me gjoba “të pastra”.

Me këtë vendim do të përmbyset “një veprim i gabuar” i organizatës për siguri në trafik, “Via sicura”. Kështu u tha për të justifikuar vendimin e ndryshuar në Dhomën e Vogël.

Po ashtu u tha se nevojitet më shumë hapësirë veprimi për gjyqtarët.

Neni mbi shpejtësinë, i cili kishte hyrë në fuqi në vitin 2013, qe kritikuar kryesisht nga qarqet e djathta.

Dhoma e Madhe (Nacionale) tashmë kishte hequr kufirin minimal prej një viti burgim (në seancën verore) dhe kishte vendosur të lejonte përsëri gjoba në vend të heqjes së lirisë, përcjell albinfo.ch. Kështu, Dhoma e Kantoneve vetëm ka ndjekur shembullin e saj.

Një pakicë deputetësh rreth Carlo Sommaruga (PS / GE) nuk donte të hiqte burgimin minimal për momentin në mënyrë që kjo çështje të mund të shqyrtohet në kontekstin e rishikimit të Ligjit të Trafikut Rrugor.