Partitë dhe shoqatat zvicerane, në favor të ringjalljes së bisedimeve me BE-në

Keystone

Njoftimi të mërkurën se Zvicra është gati të rifillojë bisedimet me BE-në dhe të riparojë marrëdhëniet e tensionuara midis Brukselit dhe Bernës u prit me entuziazëm nga shumica e partive politike dhe shoqatave të biznesit, përcjell albinfo.ch.

Siç theksoi deputeti Cédric Wermuth, “është thelbësore që besimi i ndërsjellë [midis dy kampeve] të rivendoset”.

Dhe për Economiesuisse, një organizatë ombrellë për bizneset e Zvicrës, rifillimi i bisedimeve është një “hap i rëndësishëm për marrëdhëniet politike me Evropën, por edhe për ekonominë zvicerane”.

Megjithatë, jo të gjithë janë të lumtur për rinovimin e negociatave. Partia Popullore Zvicerane e krahut të djathtë, e cila ka folur prej kohësh kundër lidhjeve më të ngushta me BE-në, tha se është “e tronditur” kur mësoi se Këshilli Federal po planifikon një marrëveshje të re kornizë me bllokun dhe po zotohet të “vazhdojë të kundërshtojë bisedimet me gjithë fuqinë e saj».