Pas afër një muaj bllokimi, Gjeneva sot rihapi shitoret

Dyqanet me artikuj jothelbësorë qenë mbyllur në fillim të muajit për të frenuar valën e dytë të pandemisë që goditi fort kantonin

Nga sot, në kantonin e Gjenevës, lejohet rihapja e shitoreve dhe butiqeve, paas më shumë se tri javësh sa kanë qëndruar të mbyllura.

Në mëngjesin e sotëm janë krijuar radhë të gjata para dyqaneve. Kjo ndodh pasi që për hyrje në to janë vendosur kritere të rrepta, vetëm një person lejohet brenda, për dhjetë metra katrorë, shkruan srf.ch.

Dyqanet me artikuj jothelbësorë qenë mbyllur në fillim të muajit për të frenuar valën e dytë të pandemisë që goditi fort kantonin, transmeton albinfo.ch.

Lehtësimi i masave për shitoret po ndodh  sot, pasi floktarët, estetistët dhe terapistët ishin lejuar t`i rihapnin lokalet e tyre të shtunën e kaluar.

Gjeneva ashtu si dhe kryesisht e gjithë zvicra frankofone është prekur më shumë nga koronavirusi, shkruan albuinfo.ch. Por masat që janë marrë atje prej afërsisht një muaji, kanë bërë që numri i infeksioneve të ulet më shumë e më shüejt se në kantonet tjera.

LAJME INTERESANTE NGA INTERNETI