Lajme
Pas krizës së koronës, bien çmimet e makinave në Austri
Austria ngadalë po i kthehet normalitetit. Mbylljet për javë të tëra të bizneseve, tani sjellin zbritje të mëdha edhe për konsumatorët e bendeve të makinave.
Si të gjitha bizneset e tjera gjatë krizës së koronavirusit, edhe autosallonet mbetën të mbyllura. Vetëm riparimet urgjente lejoheshin, ndërsa kushdo që dëshironte të blinte një makinë të re, duhej të priste deri në lejimin e hapjes së biznesit, shkruan heute.at, përcjell Albinfo Austria.
Blerësit e makinave mund të presin me padurim, sepse tregtarët në të gjithë vendin janë duke tërhequr me oferta dhe zbritje të shumta. Por, janë disa faktorë, të cilët bëjnë që çmimet të bien.
Nga njëra anë, tregtarët jo vetëm që duhet të rigjallërojnë biznesin e tyre, por ata gjithashtu duhet të zbrazin oborret e mbushura me ploë makina. Kjo për shkak se ata janë të detyruar me kontratë që gjithmonë të marrin një numër të caktuar automjetesh të reja nga prodhuesit e tyre përkatës. Dhe, nëse nuk i shesin makinat, mund të kenë probleme në hapësirë.
Në anën tjetër, siç dihet, vlera e një makine bie sa më e vjetër që të jetë prodhimi i saj. Në të njëjtën kohë, shitësit me pakicë janë të vetdishëm që për shkak të punës me orar të shkurtuar (Kurzarbeit), xhepi i qytetarëve është më i zbrazët.
Siç duket, oferta të leverdishme për blerësit e makinave do të këtë edhe gjatë javëve të ardhshme.
E-Diaspora
-
Shkëlqimi shqiptar dhe eleganca e kohëve të shkuara në ekspozitën e Kristian Zefit Në këtë ekspozitë, në Rothrist (Aargau) do të paraqiten instrumenta tradicionale, artefakte etnografike dhe kostume të...
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit