Lajme
Pas reshjeve të borës, vera do të kthehet në Zvicër
![Foto ilustrim](https://www.albinfo.ch/wp-content/uploads/2023/06/thermometer-4294021_1280-587x342.jpg)
Kohët e fundit, Zvicra ka parë reshje të dendura shiu, stuhi – madje edhe borë të freskët. Por moti pritet të ndryshojë, ndërsa temperaturat pritet të arrijnë deri në 30 gradë Celsius këtë javë.
Meteorologët kanë parashikuar se temperaturat dhe moti i ngrohtë do të rikthehen në vendin alpin nga e mërkura, shkruan The Local, përcjell albinfo.ch.
Përmes një deklarate, Meteonews ka thënë se një “sistem me presion të lartë do të vendoset mbi Evropën Qendrore” këtë javë.
Tutje në njoftim thuhet se pas një fillimi të ngadaltë, nga mesi i javës do të na arrijë sërish ajër shumë i ngrohtë nga jugperëndimi dhe temperaturat pastaj do të rriten.
Sipas meteorologëve të mërkurën dhe të enjten “vera e lartë” do të kthehet në Zvicër, me temperaturat më të larta mbi 30 gradë Celsius që priten në disa vende.
Megjithatë, ekspertët theksuan se ishte e vështirë të parashikohej se sa intensive do të ishin ditët e ngrohta në javët e ardhshme.
Të hënën priten temperatura maksimale prej 20 gradë Celsius ndërsa ditën e martë moti do të jetë me diell dhe i thatë me temperatura maksimale 23 gradë Celsius.
Të mërkurën parashikohet që temperaturat të lëvizin nga 24 deri në 27 gradë Celsius, por në zonat gjermano-folëse janë të mundshme vranësira dhe shira.
Ndërkaq të enjten dhe të premten priten temperatura ndërmjet 28 deri në 32 gradë Celsius.
Vendet më të nxehta pritet jenë në pjesën perëndimore të Zvicrës.
Të ngjashme
Të tjera nga Lajme
E-Diaspora
-
Mërgimtarët janë duke pritur deri në 2 orë në pikën Dheu i Bardhë Fluks i mërgimtarëve drejt Kosovës ...
-
Mërgimtarja e denoncon burrin për dhunë, e sulmoi pasi vendosi të shkojë në pushime me fëmijë
-
Besmir Hoxha, profesionist në fushën e energjisë në SHBA
-
Vazhdojnë ardhjet e mërgimtarëve, pritje në Merdar
-
Pritje të gjata në disa pikëkalime kufitare Kosovë-Serbi
Jeta në Zvicër
-
Zvicra nis një fushatë ndërgjegjësimi për përdorimin e dronëve Në Zvicër, dhjetëra mijëra njerëz zotërojnë drone. Por përdorimi i këtyre pajisjeve të drejtuara kërkon të...
-
Pse dështuan iniciativat për uljen e kostove shëndetësore në Zvicër?
-
Rrezik zjarri në pyje në kantonin e Valais-it
-
7 kilometra kolona përpara Gotthard-it
-
Roche – kompania më e vlefshme zvicerane, mposht Nestlé-n