Lajme
Pas shtrëngimit të masave, bizneset greke dorëzojnë çelësat
Yiannis Kouzoupis nuk është mësuar të qëndrojë i vetëm në restorantin e tij të boshatisur.
Biznesi i tij është i mbyllur që prej nëntorit.
Bllokada e re në Athinë do të thotë se do të duhet kohë e gjatë para se ai të presë klientët.
Ai thotë se situata është dramatike.
“Unë dhe kolegët e mi jemi të dëshpëruar. Ky është një ngërç. Jemi mbyllur prej disa muajsh, përfshirë periudhën e Krishtlindjes. Por sërish na duhet të paguajmë qiranë e lartë, raporton Euronews, përcjell Albinfo.ch.
Dita e nesërme duhet të na gjejë pa borxhet e pandemisë. Secili nga ne duhet të paguajë detyrimet që kishte deri në mars të vitit të kaluar. Për të tjerat nuk mbajmë asnjë përgjegjësi”, thotw Yiannis Kouzoupis.
Biznesmeni 67-vjeçar iu përgjigj thirrjes së Federatës së Pronarëve të Restoranteve, duke i vendosur çelësat në një zarf për t’ia dorëzuar bordit të drejtorëve.
Në ditët e ardhshme, çelësat e mbledhur nga gjithë Greqia do t’i dërgohen zyrës së kryeministrit.
Pronarët e restoranteve kërkojnë një zbritje të taksave dhe subvencione.
“Ne dorëzuam çelësat e restoranteve tona në shenjë proteste për izolimin e ri, sepse duam t’i dërgojmë një mesazh të fuqishëm qeverisë. Na duhet menjëherë mbështetje”, shprehet ai.
“Kjo është një thirrje e sinqertë për ndihmë. Pronarët ndihen të pashpresë dhe kanë frikë. 50% e bizneseve tona në Greqi rrezikojnë të mbyllin dyert”, thotw George Kavvathas, president i Federatës së Restoranteve
Sipas federatës, rreth 500 çelësa u dorëzuan në sheshin ‘Sintagma’, përballë selisë së Parlamentit.
Autoritetet greke thonë se, sipas të dhënave shkencore, restorantet dhe kafenetë janë vatra transmetimi të virusit.
Ndaj hapja e tyre nuk është e mundur. Qeveria thotë se po bën maksimumin për të ndihmuar bizneset, por shëndeti publik mbetet prioritet.
E-Diaspora
-
Jetullah Haliti-Eti hap ekspozitë të arteve pamore në Sion Titulli i kësaj ekspozite tematike është "Kur flet arti, nderohet kombi dhe atdheu"...
-
VLEN shpall fitoren e quajtur ‘Ndryshimi’, falënderon diasporën
-
Shqiptari i vë flakën vetes në Itali, në sy të gruas së tij
-
Mërgimtarët hasin në probleme gjatë regjistrimit të popullsisë, ReKos 2024
-
Njoftim për diasporën: Vetëm edhe 10 ditë për regjistrimin e popullsisë, ReKos 2024
Jeta në Zvicër
-
Forumi i Gjenevës bashkoi një numër të madh ndërmarrësish shqiptarë e zviceranë Forumi shqiptaro-zviceran (Real Estate, investime dhe financa), i mbajtur të premten (19.04.2024) në Centre de l’Espérance/8...
-
Qeveria planifikon ndihma për banim edhe për pensionistët e invaliditetit
-
Këshilli Federal dëshiron të lehtësojë barrën mbi personelin infermieror, më pak orë pune
-
150 vdekje në klinikën e zemrës, nisin hetimet nga Spitali Universitar i Cyrihut
-
Këshilli Federal dëshiron të rrisë kuotën e punësimit për refugjatët ukrainas