Lajme
Pavarësisht vaksinimit, rritja e rasteve me COVID-19 shqetëson autoritetet në SHBA e Britani
Vende në mbarë botën po avancojnë përpjekjet për të frenuar përhapjen e COVID-19, pasi rritjet e rasteve të infektimit kanë çuar në shtimin e vatrave të virusit në mbarë globin, pavarësisht fushatave masive të vaksinimit.
Kështu, në Shtetet e Bashkuara totali i infektimeve ka shkuar mbi 34 milionë e 67 mijë, ndërsa numri i vdekjeve mbi 608 mijë, sipas të dhënave të Qendrës së sistemeve shkencore dhe inxhinierike pranë Universitetit Johns Hopkins.
Qendra amerikane për Kontrollin dhe Parandalimin e Sëmundjeve paralajmëroi njerëzit se vaksina mund të mos jetë efikase ndaj virusit dhe i inkurajoi ata të ndjekin masat mbrojtëse, si mbajtjen e maskës, ruajtjen e distancës sociale dhe shmangien e turmave apo hapësirave pa ventilim.
Britania e Madhe ka raportuar ndërkohë mbi 54 mijë e 600 raste të reja me COVID në 24 orët e fundit, shifër që e ka çuar në mbi 5 milionë e 386 mijë totalin e infektimeve.
Ministri britanik i Shëndetësisë, Sajid Javid, rezultoi pozitiv me koronavirus ditën e shtunë dhe njoftoi në Twitter se kishte marrë dy dozat e vaksinës dhe se simptomat ishin të buta. Aktualisht ai ndodhet i izoluar në shtëpinë e tij me familjen.
Ndërkohë, Franca raportoi rreth 11 mijë raste të reja me COVID në 24 orët e fundit, duke lënë pas rekordin prej 10 mijë njësisht për dy ditë rresht.
Në kuadër të forcimit të masave, nga 18 korriku personat e pavaksinuar nga Britania, Spanja, Portugalia, Qipro, Holanda dhe Greqia duhet të kenë me vete një test jo më të vjetër se 24 orë për të hyrë në territorin francez.
Edhe qeveria greke njoftoi të shtunën rivendosjen e një shtetrrethimi në orët e natës në ishullin Mikonos, pas rritjes së rasteve me infektime./euronews
Të ngjashme
Të tjera nga Lajme
E-Diaspora
-
BQK: Mbi 112 milionë euro i sollën mërgimtarët në Kosovë vetëm gjatë marsit Pa dyshim se një nga shtyllat kryesore të ekonomisë së Kosovës janë remitencat nga e mbarë...
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
Jeta në Zvicër
-
Sa vlen Zvicra për UBS-në? Banka e madhe po bën aktin balancues midis UBS-së zvicerane me këmbë në tokë dhe UBS-së...
-
Pse njerëzit në Austri po paguajnë më shumë taksa pavarësisht reformave federale?
-
Komiteti parlamentar zviceran mbështet planin e ndihmës për Ukrainën
-
Zvicër: Më 2024 priten më shumë zjarre për shkak të ngrohjes globale
-
Zviceranët duan të ulin kostot e kujdesit shëndetësor