Kosova
Për dy muaj, 52 mjekë u larguan përfundimisht nga Kosova
Avazi i ikjes së mjekëve është bërë top temë në Kosovë, ku trendi i ikjes së mjekëve dhe infermierëve nga Kosova po vazhdon çdo ditë, përcjell albinfo.ch.
Pagat e ulëta, kushtet e punës e mungesa e specializimeve, thuhet se janë faktorët kryesorë të ikjes së punëtorëve shëndetësorë nga vendi.
Shifra alarmante janë shënuar nga ikja e mjekëve edhe deri më tani në këtë vit.
“52 mjekë gjatë vitit 2023 janë larguar nga puna për të shkuar jashtë vendit”.
Kështu ka bërë të ditur kreu i Odës së Mjekëve, Pleurat Sejdiu.
Njëra ndër arsyet e ikjes së mjekëve, sipas Sejdiut, është çështja e pagave.
Ai ka thënë se ka shumë arsyeje që çojnë profesionistët deri në largimin e vendit.
“Arsyet e mjekëve janë të shumta që po largohen nga vendi i punës për jashtë vendit. Vitin e kaluar përmes një sondazhi kanë qenë kushtet e punës, kualiteti i specializimeve dhe paga, por këtë vit ka ndryshuar ky sondazh dhe është arsyeja e parë është mundësia e punësimit, e dyta është çështja e pagave dhe e treta kushtet e punës“, u shpreh Sejdiu.
E fenomeni i largimit të profesionistëve shëndetësorë nga sistemi shëndetësor publik i Kosovës është paraqitur tash e disa vjet, ku mjekët dhe infermierët destinacionin kryesor për të ushtruar profesionin e tyre e kishin Gjermaninë.
Në Kosovë, paga e një mjeku specialist, sipas Ligjit për paga arrin në 1260 euro bruto, përderisa në Gjermani të njëjtëve po u ofrohen paga mbi 5000 euro dhe kushte shumë më të favorshme në punë.
E-Diaspora
-
BQK: Mbi 112 milionë euro i sollën mërgimtarët në Kosovë vetëm gjatë marsit Pa dyshim se një nga shtyllat kryesore të ekonomisë së Kosovës janë remitencat nga e mbarë...
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
Jeta në Zvicër
-
Komiteti parlamentar zviceran mbështet planin e ndihmës për Ukrainën Një komitet parlamentar zviceran ka votuar për të mbështetur një kontribut ndihme prej 5 miliardë CHF...
-
Zvicër: Më 2024 priten më shumë zjarre për shkak të ngrohjes globale
-
Zviceranët duan të ulin kostot e kujdesit shëndetësor
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane