Për një vit, asnjë pasagjer i vdekur në transportin publik të Zvicrës

Asnjëri nga të vdekurit nuk ka qenë pasagjer në transportin publik. Shumica e aksidenteve kanë ndodhur për shkak se përdoruesit e tjerë të rrugës kanë injoruar rregullat e trafikut rrugor

Ata që përdorin transportin publik në Zvicër udhëtojnë në një siguri maksimale. Si numri i aksidenteve të rënda ashtu dhe ai i viktimave, edhe në vitin 2019 ishin më të ulëtat, sipas raportit të sigurisë, të publikuar të hënën nga Zyra Federale e Transportit (BAV), shkruan sda.ch.

Në këtë raport flitet për 212 aksidente të rënda në transportin publik gjatë vitit të kaluar. 25 persona kanë humbur jetën, 161 kanë pësuar lëndime të rënda.

Por ajo që duhet theksuar është se asnjëri nga të vdekurit nuk ka qenë pasagjer në transportin publik, transmeton albinfo.ch. Shumica e aksidenteve kanë ndodhur për shkak se përdoruesit e tjerë të rrugës kanë injoruar rregullat e trafikut rrugor, prandaj kanë pësuar. Kryesisht autobusët dhe tramvajët kanë qenë të përfshirë në aksidente.

Në krahasim me transportin privat, transporti publik në Zvicër është dukshëm më i sigurt, siç tregon një vlerësim i periudhës 2008 deri në 2017 nga Zyra Federale e Statistikave (BFS).

Prandaj, rreziku i aksidenteve me fatalitet në tren është 59 herë më i ulët për person-kilometër sesa ai në makinë, përcjell albinfo.ch. Në një krahasim evropian, Zvicra renditet e dyta për sa i përket sigurisë në transportin publik.

---