Lajme
Diaspora shqiptare në SHBA, me projekte të reja
Përfaqësues të diasporës shqiptare në SHBA kanë zhvilluar një takim virtual me Ambasadoren e Republikës së Shqipërisë në Washington D.C, znj. Floreta Faber. Takimi u zhvillua në kuadër të bashkëpunimit të Ambasadës me organizatat shqiptare dhe projektet e tyre konkrete në riformatimin e një organizimi më gjithëpërfshirës, shkruan albinfo.ch.
Një takim i frytshëm virtual me përfaqësuesit e diasporës shqiptare në SHBA. Takimi u zhvillua në kuadër të bashkëpunimit të Ambasadës me organizatat shqiptare dhe projektet e tyre konkrete në riformatimin e një organizimi më kompleks dhe gjithëpërfshirës.
Ambasadorja bisedoi sot me Bruno Ceka #MartinVulaj #BleronBaraliu #IlirFundo #NickMarkolaj #AnaCenaj #GinoMulliqi. Ajo falënderoi përfaqësuesit për punën e vyer ndër vite, kryesisht në çështjet me interes kombëtar dhe theksoi se diaspora shqiptare do të mbetet ura lidhëse e çimentuar ndërmjet SHBA-së dhe kombit tonë.
Ajo shprehu mbështetjen për iniciativën e tyre në riformatimin organizativ të diasporës në një platformë më të gjerë dhe gjithëpërfshirëse dhe u shpreh besimplotë se ky format do të përcjellë një vizion të qartë që mund të shërbejë si udhërrëfyes për veprimtarinë e ardhshme të diasporës shqiptare, duke iu përshtatur sfidave dhe kërkesave të shumta.
Gjatë diskutimit, Ambasadorja Faber insistoi se një ndër elementët kyç për mbarëvajtjen e kësaj nisme dhe çelës i suksesit të saj sa i përket gjithëpërfshirjes do të ishte angazhimi i sa më shumë vajzave dhe grave nga radhët e komunitetit dhe gjithashtu i rinisë, si motorë të padiskutueshëm të kësaj nisme.
Duke nënvizuar shembujt dhe rezultatet pozitive të organizatave në këto formate dhe duke vënë në dukje bashkëpunimin e shkëlqyer me organizatën American Jewish Committee (AJC), Ambasadorja theksoi se eksperienca e tyre në këtë proces do të ishte frytdhënëse në fazën fillestare të krijimit dhe përçoi gatishmërinë e tyre për ta mbështetur këtë proces. Ajo shprehu gatishmërinë e Ambasadës për realizimin e këtij bashkëpunimi.
Përfaqësuesit e diasporës shprehën mirënjohjen për bashkëpunimin aktiv të Ambasadës. Ata u shprehën entuziastë për mbështetjen e AJC në këtë fazë të procesit dhe dakordësuan mbi vijimin e bashkëpunimit.
Ambasadorja Faber, duke i uruar punë të mbarë, shprehu mbështetjen në iniciativa të tilla dhe nënvizoi se Ambasada do të jetë aktive në këtë proces vetëm sipas kërkesave të diasporës, pa ndërhyrë në çështjet e brendshme të organizatës apo pa nxitur asnjë axhendë të tyre.
Të ngjashme
Të tjera nga Lajme
E-Diaspora
-
Kurti dhe Rozeta Hajdari vizituan Panairin e “Hannover Messe 2024” Gjermani: Ministrja e Industrisë, Ndërmarrësisë dhe Tregtisë, Rozeta Hajdari, së bashku me kryeministrin e Republikës së...
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
-
Interi, kampion, me futbollistin shqiptar Asllani: Nuk mund të kërkoja diçka më mirë
Jeta në Zvicër
-
Zvicër: Dy trena janë bllokuar në tunelin midis dy stacioneve Të mërkurën në mëngjes pati një ndërprerje në trafikun hekurudhor midis Cyrih-Hardbrücke dhe Cyrih-Oerlikon....
-
Zvicër: Ndërrimi i motit shqetëson bletarët
-
Bankat zvicerane kërkojnë më pak staf
-
Thun dëshiron të ulë taksat
-
Tonelata naftë derdhen në liqenin e Zug-ut