Bota
Londër: Pesë milionë nënshkrime në peticionin kundër Brexit-it
Peticioni, i cili i kërkoi Qeverisë britanike të revokojë nenin 50 dhe rishikimin e planit të saj për të dalë nga Bashkimi Evropian, i ka kaluar 5 milionë nënshkrime, pas një proteste masive, e cila u mbajt të shtunën në Londër.
Që nga ora 2:18, të dielën, 5.000.438 persona kanë nënshkruar peticionin, duke e bërë atë ndër peticionet më të popullarizuara në faqen e Parlamentit.
Shifra më e lartë para kësaj ishte prej 4.150.260 personash, një peticion i vitit 2016 që bënte thirrje për një referendum të dytë, shkruan Koha.net, përcjell albinfo.ch.
Peticioni vazhdoi të rritet pas marshit të së shtunës, të cilën organizatorët pretendonin se panë më shumë se një milion njerëz në rrugët e Londrës.
Margret Georgiado, gruaja e cila e bëri peticionin, tha të shtunën se kishte marrë kërcënime me vdekje. Georigiadou shkroi në Twitter se natën e së premtes ajo kishte marrë tri kërcënime të tilla përmes telefonit. Ajo theksoi se kishte fshirë edhe llogarinë e saj në Facebook, pasi drejt saj kishte shpërthyer “përrua e akuzimeve”, shkruan “The Guardian”, transmeton Koha.net.
Në marshimin e së shtunës, protestuesit që mbanin flamuj të BE-së dhe pankarta, u endën nga Hyde Park Corner deri në Sheshin e Parlamentit.
Deputetët u rreshtuan në skenë për të adresuar turmat dhe për t’i bërë thirrje qeverisë për të siguruar një “votim të popullit” në Brexit.
Nënkryetari i Partisë Laboriste, Tom Watson, akuzoi kryeministren se kishte humbur kontrollin e procesit të Brexitit dhe tha se mund ta mbështeste vetëm marrëveshjen e saj nëse “lejoni që njerëzit të votojnë gjithashtu për të”.
Ish-deputetja konservatore, Anna Soubry, tani anëtare në Grupin e Pavarur, u kërkoi kolegëve të saj parlamentarë që të “vënë shtetin në vend të parë dhe të votojnë për vullnetin e popullit”.
Gjithashtu duke iu drejtuar turmave, prefekti i Londrës, Sadiq Khan, kërkoi që neni 50 të tërhiqej.
“Është koha që neve, njerëzve të Britanisë, të na jepet fjala e fundit për Brexit”, tha ai.
E-Diaspora
-
Promovohet në Cyrih platforma “Putpuri”, nga Prishtina Të premten, më 5 prill, platforma botuese e pavarur dhe nisma bashkëpunuese ndërmjet Prishtinës dhe Cyrihut,...
-
Më 7 prill, edicioni i tretë i panairit të librit shqip në SHBA
-
‘Vallja kosovare’ jehon në Universitetin e Gjenevës (Video)
-
Iu gjet drogë në shtëpi, arrestohet shqiptari në këtë shtet
-
Në aeroportin e Bazelit anulohet fluturimi për në Prishtinë, mërgimtarët ankohen
Jeta në Zvicër
-
Besnik Berisha garon në zgjedhjet lokale të Luganos Zvicra po vazhdon të konsiderohet si vendi që pasqyron shembullin më të mirë të integrimit të...
-
Frangu zviceran po dobësohet kundrejt euros
-
Bislimi e Jashari nuk pritet të përzgjidhen nga Zvicra për Evropian
-
Ku janë restorantet ‘më të mira’ në Zvicër?
-
Zvicra duhet të forcojë kontrollin e sektorit të saj financiar, paralajmëron FMN